அடுத்த செய்திக் கட்டுரை
பஜாஜ் ஆட்டோ... காலாண்டு முடிவுகள் எப்படி இருக்கும்?
எழுதியவர்
Prasanna Venkatesh
Apr 25, 2023
01:12 pm
செய்தி முன்னோட்டம்
தங்களது நான்காம் காலாண்டு முடிவுகளை இன்று வெளியிடவிருக்கிறது பஜாஜ் ஆட்டோ நிறுவனம்.
காலாண்டு முடிவு வெளியீட்டைத் தொடர்ந்து அதன் பங்குகள் இன்று காலை ஏற்றத்திலேயே வர்த்தகத்தைத் தொடங்கின.
வர்த்தக வாரத்தின் முதல் நாளான நேற்றும் 0.6% ஏற்றத்துடன் ரூ.4,332.10-வில் வர்த்தகத்தை நிறைவு செய்திருந்தது பஜாஜ் ஆட்டோ. அதோடு புதிய 52-வார ஏற்றத்தையும் பதிவு செய்திருந்தது.
மூன்றாம் காலாண்டில் சிறப்பான முடிவுகளைப் பதிவு செய்திருந்தது பஜாஜ் ஆட்டோ.
ஆனால், நான்காம் காலாண்டில் அதன் விற்பனை முந்தைய காலாண்டை விட 12.8% குறைந்திருக்கிறது. உள்நாட்டு விற்பனை 6%-மும், ஏற்றுமதி 21%-மும் குறைந்திருக்கிறது.
இவை இன்றைய காலாண்டு முடிவில் எதிரொலித்து, குறைவான காலாண்டு முடிவுகளையே அந்நிறுவனம் வெளியிடும் என எதிர்பார்க்கப்படுகிறது.