9வது சர்வதேச யோகா தினத்தினை கொண்டாடிய ராஜ்நாத் சிங், திரௌபதி முர்மு
செய்தி முன்னோட்டம்
சர்வதேச யோகா தினத்தினை கடந்த 2014ம்ஆண்டு முதன்முறையாக பிரதமர் மோடி அவர்கள் ஐநா.,வில் அறிமுகப்படுத்தினார்.
அதிலிருந்து வருடாவருடம் ஜூன் 21ம்தேதி இந்த யோகாத்தினம் நாடு முழுவதும் கொண்டாடப்பட்டு வருகிறது.
அதன்படி இன்று 9வது சர்வதேச யோகா தினத்தினை முன்னிட்டு பாஜக.,அமைச்சர்கள் மற்றும் தலைவர்கள் நாட்டின் வெவ்வேறு பகுதிகளில் இருந்து கொண்டாடி வருகிறார்கள்.
மத்திய பாதுகாப்புத்துறை அமைச்சர் ராஜ்நாத் சிங் கேரளா,கொச்சியிலுள்ள உள்நாட்டு விமானம் தாங்கி கப்பலான ஐஎன்எஸ் விக்ராந்த் கப்பலில் யோகா செய்தார்.
பின்னர் செய்தியாளர்களை சந்தித்த அவர், "யோகா என்பது ஆசனங்கள் மட்டுமல்ல, கர்மா, ஞானம், மற்றும் பக்தி ஆகியவையோடு தொடர்புடையது"என்று கூறியுள்ளார்.
இவரையடுத்து இந்திய ஜனாதிபதி திரவுபதி முர்மு டெல்லியில் உள்ள ராஷ்ட்ரபதி பவனில் யோகா செய்து இந்நாளினை கொண்டாடியுள்ளார்.
யோகா
பள்ளி-கல்லூரி மாணவர்கள், திரைப்பட பிரபலங்கள், பொதுமக்கள் கொண்டாடிய யோகா தினம்
இதனை தொடர்ந்து, நாடாளுமன்ற வளாகத்தில் நடந்த யோகா நிகழ்ச்சியில் மக்களவை சபாநாயகர் ஓம் பிர்லா பங்கேற்றுள்ளார்.
அமெரிக்கா சென்றுள்ள பிரதமர் மோடி, யோகா தினத்தினை முன்னிட்டு தனது ட்விட்டர் பக்கத்தில் ஓர் வீடியோ பதிவினை பதிவிட்டுள்ளார்.
மேலும் ஐ.நா.,வில் நடக்கும் யோகா நிகழ்ச்சியில் கலந்துகொள்வதாகவும் கூறியுள்ளார்.
தொடர்ந்து தமிழகத்திலும் பல்வேறு மாவட்டங்களில் யோகா தினமானது கொண்டாடப்பட்டு வருகிறது.
தமிழக கவர்னர் ஆர்.என்.ரவி அவர்கள் சிதம்பரத்தில் நடந்த நிகழ்ச்சியில் பங்கேற்றார்.
அதேபோல் புதுச்சேரியில் தமிழிசை சௌந்தரராஜன் யோகா நிகழ்ச்சியில் கலந்துகொண்டார்.
அரசியல் தலைவர்களை தொடர்ந்து பள்ளி மற்றும் கல்லூரி மாணவர்கள், திரைப்பட பிரபலங்கள், பொதுமக்கள் என அனைவருமே ஆங்காங்கே நடந்த யோகா நிகழ்ச்சியில் பங்கேற்றனர் என்பது குறிப்பிடத்தக்கது.