குஜராத் கேமிங் மண்டலத்தில் ஏற்பட்ட தீ விபத்தில் 9 குழந்தைகள் உட்பட 28 பேர் பலி
செய்தி முன்னோட்டம்
குஜராத்தின் ராஜ்கோட்டில் உள்ள கேமிங் மண்டலத்தில் நேற்று ஏற்பட்ட பயங்கர தீ விபத்தில் 9 குழந்தைகள் உட்பட 28 பேர் உயிரிழந்தனர்.
குஜராத் முதல்வர் பூபேந்திர படேல் இன்று காலை நானா-மாவா சாலையில் உள்ள சம்பவ இடத்தையும், காயமடைந்தவர்கள் சிகிச்சை பெற்று வரும் மருத்துவமனையையும் பார்வையிட்டார்.
உயிரிழந்தவர்களின் உடல்களை அடையாளம் காண டிஎன்ஏ மாதிரிகள் சேகரிக்கப்பட்டுள்ளதாக கூடுதல் காவல் ஆணையர் (ஏசிபி) விநாயக் படேல் தெரிவித்தார்.
"உடல்கள் அடையாளம் காண முடியாத அளவிற்கு கருகிவிட்டன. மேலும் இறந்தவர்களின் அடையாளத்தை அறிய உடல்கள் மற்றும் உறவினர்களின் டிஎன்ஏ மாதிரிகளை சேகரிக்கும் செயல்முறையை நாங்கள் முடித்துள்ளோம்." என்று அவர் கூறினார்.
இந்த சம்பவத்தில் காயமடைந்த மூவரின் உடல்நிலை தற்போது சீராக உள்ளது.
இந்தியா
இது குறித்து விசாரணை நடத்தி வரும் சிறப்பு புலனாய்வுக் குழு
இந்த தீ விபத்து குறித்து விசாரணை நடத்தி வரும் சிறப்பு புலனாய்வுக் குழு(SIT) 72 மணி நேரத்திற்குள் அறிக்கை சமர்ப்பிக்குமாறு கேட்டுக் கொள்ளப்பட்டுள்ளது.
அதே இடத்தில் இன்று மீட்புப் பணிகள் தொடர்ந்து நடைபெற்று வருகின்றன.
குஜராத் உள்துறை அமைச்சர் ஹர்ஷ் சங்வி இன்று அதிகாலை SIT குழு மற்றும் உள்ளூர் நிர்வாகத்துடன் ஆலோசனை நடத்தினார்.
கேமிங் மண்டலத்தின் கட்டுமானத்திற்கு பொறுப்பான துறைகளை SIT விசாரித்து வருகிறது.
நேற்று மாலை தீ விபத்து ஏற்பட்ட TRP விளையாட்டு மண்டலத்தின் உரிமையாளர் மற்றும் மேலாளர் கைது செய்யப்பட்டுள்ளனர்.
தீ விபத்தில் காயமடைந்தவர்களுக்கு சிகிச்சை அளிக்க ராஜ்கோட் எய்ம்ஸ் மருத்துவமனையில் 30 ஐசியூ படுக்கைகள் தயார் செய்யப்பட்டுள்ளதாக மத்திய சுகாதாரத்துறை அமைச்சர் டாக்டர் மன்சுக் மாண்டவியா தெரிவித்துள்ளார்.