'GOAT' படத்தின் நடிகர்களின் சம்பளம் எவ்வளவு தெரியுமா? விஜய்க்கு மட்டுமே இவ்வளவா...?!
விஜய்யின் மிகவும் எதிர்பார்க்கப்பட்ட திரைப்படமான GOAT - 'தி கிரேட்டஸ்ட் ஆஃப் ஆல் டைம் நேற்று வெளியானது. உலகம் முழுவதும் பலரும் இந்த படத்தை காண ஆர்வத்துடன் திரையரங்குகளில் குவிந்து வருகின்றனர். இது தளபதி விஜய்யின் அரசியல் பிரவேசத்திற்கு பின்னர் வெளியாகும் படம் என்பதால் இப்படத்திற்கு கூடுதல் எதிர்பார்ப்பு. வெங்கட் பிரபு இயக்கிய, GOAT திரைப்படம், சிறப்பு பயங்கரவாத எதிர்ப்புப் படையின் (SATS) முன்னாள் உளவாளி காந்தியின் கதையை பற்றியது. நேற்று வெளியான இப்படம், உலகம் முழுவதும் ரூ.100 கோடி வசூலித்ததாக செய்திகள் வெளியாகியுள்ளது. இந்த சூழலில் படத்தில் நடித்துள்ள நடிகர்களின் சம்பளம் பற்றிய தகவல்கள் தற்போது வெளியாகியுள்ளது.
'GOAT' படத்தின் பட்ஜெட்
விஜய் GOAT படத்தில் காந்தி மற்றும் அவரது மகன் ஜீவன் ஆகிய இரு வேடங்களில் நடிக்கிறார். கிட்டத்தட்ட ₹400 கோடி பட்ஜெட்டில் எடுக்கப்பட்ட இப்படம், 2024-ம் ஆண்டின் மிக விலையுயர்ந்த தமிழ் தயாரிப்புகளில் ஒன்றாகும். இப்படத்தில் நடிகர்கள் பிரசாந்த், பிரபுதேவா, அஜ்மல், மோகன், ஜெயராம், சினேகா, லைலா, மீனாட்சி சவுத்ரி, வைபவ் ரெட்டி, யோகி பாபு, பிரேம்ஜி அமரன் மற்றும் யுகேந்திரன் உள்ளிட்ட பலர் நடித்துள்ளார்.
'GOAT' படத்துக்கு விஜய்யின் சம்பளம்!
GOAT படத்தில் நடித்ததற்காக விஜய்யின் சம்பளம் குறித்து தயாரிப்பாளர் அர்ச்சனா கல்பாத்தி கலாட்டாவுக்கு அளித்த பேட்டியில் தெரிவித்துள்ளார். படத்தின் மொத்த பட்ஜெட்டில் கிட்டத்தட்ட 50% ஆன 200 கோடி ரூபாய் அவருக்கு சம்பளமாக தரபட்டதாக கூறப்படுகிறது. அதேபோல நடிகர் பிரபு தேவாவிற்கு ₹2 கோடியும், நடிகர் பிரசாந்த்திற்கு ₹75 லட்சமும், மூத்த நடிகர் ஜெயராம் ₹50 லட்சமும் பெற்றக செய்திகள் தெரிவிக்கின்றன. இதே போல, விஜய்க்கு ஜோடியாக கதாநாயகியாக நடித்த சினேகா தனது பாத்திரத்திற்காக ₹30 லட்சம் பெற்றதாக கூறப்படுகிறது. இப்படத்தில் நடித்ததற்காக அஜ்மல் மற்றும் மோகன் முறையே ₹50 லட்சம் மற்றும் ₹40 லட்சம் பெற்றுள்ளனர். இயக்குனர் வெங்கட் பிரபு சம்பளமாக ₹10 கோடி பெற்றார்.
