மிஷன் இம்பாசிபிள்: தி ஃபைனல் ரெக்கனிங் டீஸரில் மிரட்டும் டாம் குரூஸ்
செய்தி முன்னோட்டம்
ஹாலிவுட்டில் பிரபலமான திரைப்பட வரிசையான மிஷன்: இம்பாசிபிள் தனது இறுதி படத்தை வெளியிட தயாராகி விட்டது. மிஷன்: இம்பாசிபிள் - தி ஃபைனல் ரெக்கனிங்கின் வெளியீட்டு தேதியை அறிவித்த்துள்ளது. இந்த அறிவிப்பினை படத்தின் தயாரிப்பு நிறுவனம் பாரமவுண்ட் பிக்சர்ஸ் டீசரை வெளியிட்டு அறிவித்துள்ளது. பரபரப்பான அந்த டீஸர் ட்ரெய்லர் டாம் குரூஸின் கதாபாத்திரமான ஐஎம்எஃப் ஏஜென்ட் ஈதன் ஹன்ட், "தி என்டிட்டி" என்று அழைக்கப்படும் சக்திவாய்ந்த AIக்கு எதிரான தனது போரைத் தொடரும் போது, 2022 இன் டெட் ரெக்கனிங் பார்ட் ஒன் எங்கு நிறுத்தப்பட்டது என்பதைப் பற்றிய ஒரு பார்வையை அளிக்கிறது.
விவரங்கள்
படத்தின் விவரங்கள்
இரண்டு நிமிட டீசரில் டாம் க்ரூஸ் பல்வேறு நிலப்பரப்புகளில் வேகமாக ஓடுகிறார் டாம். ஒரு கட்டத்தில், 62 வயதான நடிகர் ஒரு விமானத்தைத் துரத்திச் செல்வதையும் நீங்கள் டீசரில் பார்க்கலாம். டீசரில் மேலும் அவருடைய சண்டை காட்சிகளும் இடம்பெற்றுள்ளன. ஹாலிவுட்டின் மிகவும் பிரபலமான அதிரடி நட்சத்திரங்களில் ஒருவரான டாம் குரூஸ், இரண்டு விமானங்களுக்கு இடையே வான் சண்டையின் போது விமானத்தின் பக்கவாட்டில் தொங்கி செல்வதும் காட்டப்பட்டுள்ளது. மிஷன் இம்பாஸிபிள் தொடரின் எட்டாவது படத்தை கிறிஸ்டோபர் மெக்குவாரி இயக்கியுள்ளார். இதில் ஹென்றி செர்னி, ஹேலி அட்வெல், விங் ரேம்ஸ், சைமன் பெக், போம் க்ளெமென்டிஃப் மற்றும் வனேசா கிர்பி ஆகியோர் நடித்துள்ளனர். இப்படம் மே 23, 2025 அன்று உலகம் முழுவதும் வெளியிடப்படும்.