நடிகர் அஜித்தின் ரேஸ் காரில் SDAT லோகோ! நன்றி கூறி வாழ்த்து தெரிவித்த உதயநிதி
நடிகர் அஜித், கார் ரேஸிங்கில் அதிக ஈடுபாடு கொண்டவர் என்பது பலரும் அறிந்ததே. திரைப்படங்களில் நடித்தாலும் அவரது முதல் காதல் கார் ரேஸிங் மற்றும் பைக் ரேஸிங் தான். ஏற்கனவே சில காலம் முன்பு ஃபார்முலா கார் ரேசிங்கில் அவர் கலந்துகொண்டது குறிப்பிடத்தக்கது. தற்போது அவர் தனியாக ஒரு கார் ரேஸிங் அணியை உருவாக்கி துபாயில் நடைபெறவுள்ள கார் ரேஸ் பந்தயத்தில் கலந்துகொள்ள உள்ளார். நேற்று அவர் அணியினருடன் பயிற்சியில் ஈடுபட்ட வீடியோ வெளியானது. இதனையடுத்து தமிழக துணை முதல்வரும், விளையாட்டுத்துறை அமைச்சருமான உதயநிதி அவரை வாழ்த்தி ஒரு பதிவை X பக்கத்தில் வெளியிட்டார்.
Twitter Post
உலக அளவில் சிறப்புக்குரிய 24H Dubai 2025 & The European 24H Series Championship - Porsche 992 GT3 Cup Class கார் பந்தயத்தில் பங்கேற்கவுள்ள நடிகரும், நண்பருமான திரு.அஜித்குமார் சார் அவர்களுக்கு எங்களுடைய மனமார்ந்த வாழ்த்துகளைத் தெரிவித்துக் கொள்கிறோம். நம்முடைய @SportsTN_ (SDAT)... pic.twitter.com/VQbZWdelPz— Udhay (@Udhaystalin) October 29, 2024
தமிழக விளையாட்டுத்துறை லோகோவை காட்சிப்படுத்தும் அஜித்
அமைச்சர் உதயநிதி தனது பதிவில், அஜித்தின் 'அஜித்குமார் ரேசிங்' யூனிட்டின், கார், ஹெல்மெட் மற்றும் பந்தயம் தொடர்பான உபகரணங்களில் தமிழக விளையாட்டுத்துறையின் லோகோ காட்சிப்படுத்தப்பட்டுள்ளது என தெரிவித்தார். மேலும், மிழ்நாடு விளையாட்டு மேம்பாட்டுத்துறையை உலக அரங்கில் பெருமைப்படுத்தி, ஊக்குவித்துள்ள அஜித்த்திற்கு தனது நன்றிகளையும் அவர் தெரிவித்தார். அதே பதிவில், சென்னையில் சமீபத்தில் நடைபெற்ற Formula4 Chennai Racing Street Circuit போன்ற முன்னெடுப்புகளுக்கு அஜித்தின் ஆதரவுக்கும் நன்றி கூறி, அவரின் கார் பந்தயத்திற்கு தனது வாழ்த்துக்களை தெரிவித்தார். நடிகர் அஜித் மற்றும் அவரது அணியினர் 24H துபாய் 2025 மற்றும் போர்ஷே 992 GT3 கோப்பை வகுப்பில் ஐரோப்பிய 24H தொடர் சாம்பியன்ஷிப்பில் பங்கேற்கிறார்கள்.
