ஆர்.ஜே. பாலாஜி-சூர்யாவின் 'கருப்பு' பட டிரெய்லர் வெளியீடு திடீர் தள்ளிவைப்பு! பின்னணி என்ன?வெளியீடு
செய்தி முன்னோட்டம்
தமிழ் திரையுலகின் முன்னணி நடிகரும் இயக்குநருமான ஆர்.ஜே. பாலாஜி நடிப்பில் உருவாகியுள்ள 'கருப்பு' திரைப்படத்தின் டிரெய்லர் வெளியீடு தற்காலிகமாகத் தள்ளிவைக்கப்பட்டுள்ளது. இது குறித்து தனது அதிகாரப்பூர்வ சமூக வலைதளப் பக்கத்தில் பதிவிட்டுள்ள அவர், தற்போதைய அரசியல் சூழலே இந்தத் தாமதத்திற்குக் காரணம் எனத் தெரிவித்துள்ளார். தமிழக அரசியலில் தற்போது நிலவி வரும் பரபரப்பான சூழலில், திரைப்பட டிரெய்லரை வெளியிட்டால் அது மக்களிடையே உரிய கவனத்தைப் பெறாமல் போய்விடும் என ஆர்.ஜே. பாலாஜி கருதுகிறார். "டிரெய்லர் தயாராக உள்ளது. ஆனால் தற்போதைய அரசியல் சூழ்நிலையால் அதன் முக்கியத்துவம் குறைந்துவிடக்கூடாது என நினைக்கிறோம். விரைவில் ஒரு தெளிவு கிடைக்கும் என நம்புகிறேன்," என அவர் குறிப்பிட்டுள்ளார்.
ட்விட்டர் அஞ்சல்
Twitter Post
#Karuppu Trailer Update by #RJBalaji:
— Laxmi Kanth (@iammoviebuff007) May 7, 2026
"Trailer ready.. But due to the current political scenario, we don’t want it to get overshadowed by it.. I hope we get clarity soon.. Until then, we’ll wait.. After that, you’ll get the trailer & Verappa Extended.."pic.twitter.com/Tw5VSlSgHl
விவரங்கள்
கவனத்தை ஈர்க்கும் 'கருப்பு'
ஆர்.ஜே. பாலாஜி வழக்கமாக தனது படங்களில் சமூகக் கருத்துக்களை நகைச்சுவையுடன் கலந்து வழங்குவார். ஆனால், இந்தப் படத்தின் தலைப்பு மற்றும் போஸ்டர்கள் இது ஒரு தீவிரமான த்ரில்லர் அல்லது மாறுபட்ட கதைக்களத்தைக் கொண்ட படமாக இருக்கும் என்ற எதிர்பார்ப்பை ஏற்படுத்தியுள்ளது. இந்த படத்தில் சூர்யா ஒரு வழக்கறிஞராக நடிக்கிறார். அவருக்கு ஜோடியாக திரிஷா நடிக்கிறார். படத்திற்கு இசையமைத்துள்ளது தற்போதைய சென்சேஷனல் இசையமைப்பாளர் சாய் அபயங்கர். தமிழகத்தில் ஆட்சி மாற்றம் மற்றும் புதிய முதலமைச்சர் பதவியேற்பு போன்ற நிகழ்வுகள் நடந்து வரும் நிலையில், சினிமா விளம்பரங்கள் அரசியல் செய்திகளால் மறைக்கப்பட வாய்ப்புள்ளது. அதனால், 'கருப்பு' டிரெய்லருக்கான புதிய தேதி விரைவில் அறிவிக்கப்படும் என எதிர்பார்க்கப்படுகிறது.