மொட்டை தலையுடன் சல்மான் கான்; 'சேது' படத்தின் இரண்டாம் பாகத்திற்கு தயாராகிறாரா?
பாலிவுட்டில் அசைக்கமுடியாத மூன்று நட்சத்திரங்களாக கருதப்படுபவர்கள், ஷாருக்கான், அமீர்கான் மற்றும் சல்மான்கான். அதில் சல்மான்கான் அல்லது செல்லமாக 'சல்லு பாய்' என ரசிகர்களால் அழைக்கப்படும் சல்மான், அவ்வப்போது தமிழ் படங்கள் பலவற்றை மொழி மாற்றம் செய்து நடித்துள்ளார். அந்த படங்களும் அங்கே வெற்றிகரமாக ஓடியுள்ளது. உதாரணமாக, தமிழில் விக்ரம் நடிப்பில் வெளியான 'சேது' திரைப்படத்தை, 'தேரே நாம்' என்ற பெயரில் மொழி மாற்றம் செய்து நடித்தார். அதேபோல, விஜய் நடிப்பில் உருவான 'காவலன்', அஜித் நடிப்பில் வெளியான 'வீரம்' போன்ற படங்களையும் ரீமேக் செய்தார். இந்நிலையில், தற்போது, வித்தியாசமான கெட்-அப்பில் அவரின் புகைப்படம் ஒன்று வைரலாகி வருகிறது. இதனையடுத்து, அவர், 'சேது-2' பாகத்திற்கு தயாராகி வருகிறாரோ என ரசிகர்கள் கேள்வி எழுப்பிவருகின்றனர்