சூர்யாவின் அன்புக்கும் பாசத்துக்கும் நன்றி; நடிகர் ரஜினிகாந்த் நெகிழ்ச்சி
செய்தி முன்னோட்டம்
வேட்டையன் திரைப்படத்திற்காக தனது கங்குவா திரைப்படத்தை ஒத்திவைக்கும் முடிவிற்காக நடிகர் சூர்யாவிற்கு ரஜினிகாந்த் நன்றி தெரிவித்துள்ளார்.
ஜெய் பீம் படத்தை இயக்கிய ஞானவேலின் இயக்கத்தில் ரஜினிகாந்த் நடித்துள்ள வேட்டையன் திரைப்படம் அக்டோபர் 10ஆம் தேதி திரைக்கு வருகிறது.
இந்த படத்தில் ரஜினியுடன் அமிதாப் பச்சன், ஃபகத் ஃபாசில், ராணா டக்குபதி, மஞ்சு வாரியர், துஷாரா விஜயன் உள்ளிட்ட பலர் நடித்துள்ளனர்.
படத்தை தயாரிக்கும் சன் பிக்சர்ஸ், சமீபத்தில் படம் அக்டோபர் 10 அன்று திரைக்கு வரும் என அதிகாரப்பூர்வமாக அறிவிக்கப்பட்டது.
இதற்கிடையே சிறுத்தை சிவா இயக்கத்தில் நடிகர் சூர்யா நடித்துள்ள கங்குவா திரைப்படமும் அதே தேதியில் திரைக்கு வரும் என அறிவிக்கப்பட்டிருந்தது.
சூர்யா அறிவிப்பு
கங்குவா ரிலீஸை தள்ளி வைப்பதாக நடிகர் சூர்யா அறிவிப்பு
இரு படங்களுமே மிகப்பெரும் பட்ஜெட்டில் உருவாகியுள்ள நிலையில், ரசிகர்களிடையே அதிக எதிர்பார்ப்பு ஏற்பட்டது.
இந்நிலையில், சனிக்கிழமை (ஆகஸ்ட் 31) கோவையில் நடந்த மெய்யழகன் பட ஆடியோ வெளியீட்டு விழாவில் பேசிய நடிகர் சூர்யா, "50 ஆண்டுகள் திரைத்துறையில் இருக்கும் ரஜினிகாந்தின் படம் வருவதுதான் சரியாக இருக்கும். கங்குவா ஒரு குழந்தை. அந்த குழந்தை வெளியாகும் நாளே அதன் பிறந்தநாள்.
படம் எப்போது வெளியானாலும் ரசிகர்கள் கொண்டாடுவீர்கள் என நம்புகிறேன்." எனக் கூறி படத்தின் ரிலீஸை ஒத்திவைக்கும் முடிவை அறிவித்தார்.
இந்நிலையில், சூர்யாவின் முடிவு குறித்து ரஜினிகாந்திடம் செய்தியாளர்கள் கேட்டதற்கு, "சூர்யாவின் அன்புக்கும் பாசத்துக்கும் நன்றி" எனத் தெரிவித்துள்ளார்.
ட்விட்டர் அஞ்சல்
நன்றி தெரிவித்தார் நடிகர் ரஜினிகாந்த்
சூர்யாவின் அன்புக்கும் பாசத்துக்கும் நன்றி! - நடிகர் ரஜினிகாந்த் #Rajinikanth | #Rajini | #Vettaiyan | #Kanguva | #Suriya pic.twitter.com/uTaEU6E7c4
— PuthiyathalaimuraiTV (@PTTVOnlineNews) September 1, 2024