லால் சலாம் ரிலீஸ்; ரஜினி மற்றும் தனுஷின் எக்ஸ் பதிவு வைரல்
செய்தி முன்னோட்டம்
இன்று சூப்பர்ஸ்டார் ரஜினிகாந்த் நடித்துள்ள 'லால் சலாம்' திரைப்படம் ரிலீஸ் ஆகியுள்ளது.
படத்தில் ரஜினி கெஸ்ட் ரோலில் நடித்திருந்தாலும், அவரை திரையில் காண்பதை பலரும் கொண்டாடி வருகின்றனர்.
இந்த நிலையில் மற்ற ரசிகர்களை போல, தானும் படத்தை எதிர்நோக்குவதை பதிவிட்டுள்ளனர் ரஜினிகாந்தும், தனுஷும்.
இருவரும் தங்கள் எக்ஸ் தளத்தில் தங்கள் கருத்துக்களை பதிவிட்டது தற்போது வைரலாக பகிரப்பட்டு வருகிறது.
நடிகர் ரஜினி, ஐஸ்வர்யா ரஜினிகாந்த் புகைபடத்தை பதிவிட்டு, "என் அன்பு தாய் ஐஸ்வர்யாவுக்கு என் அன்பு சலாம்" என குறிப்பிட்டு, அவர் ரஜினியை வீல் சேரில் தள்ளி வருவது போன்ற புகைப்படத்தை பகிர்ந்திருந்தது அனைவரையும் நெகிழ வைத்தது.
தனுஷ்
தனுஷின் பதிவு
தனுஷோ, ரஜினியின் பதிவை ரிட்வீட் செய்துள்ளார். அது கூடவே, "இன்று முதல் லால் சலாம்" என குறிப்பிட்டு, தான் என்றும் ரஜினி ரசிகன் என்பதை உணர்த்தியுள்ளார்.
தனுஷ், ஐஸ்வர்யா ரஜினிகாந்தை விட்டு பிரிந்திருந்தாலும், அவருடைய படத்திற்கு வாழ்த்துக்கள் தெரிவித்திருப்பது, பலரையும் ஆச்சரியப்பட வைத்துள்ளது.
அதுமட்டுமின்றி, சமீபத்தில் நடைபெற்ற கலைஞர் நூற்றாண்டு விழாவின் போதும், மேடையில் பேசிய தனுஷ், முதலில் சூப்பர்ஸ்டார் ரஜினிக்கு தனது வணக்கங்களை தெரிவித்தே உரையை துவங்கினார்.
லால் சலாம் திரைப்படத்தை ஐஸ்வர்யா ரஜினிகாந்த் இயக்கியுள்ளார்.
ஸ்போர்ட்ஸ் ட்ராமா திரைப்படமாக கருதப்படும் இப்படத்தில் விஷ்ணு விஷால் மற்றும் விக்ராந்த் நடித்துள்ளனர். படத்திற்கு இசை ஏ.ஆர். ரஹ்மான்.
ட்விட்டர் அஞ்சல்
ரஜினி பதிவு
என் அன்பு தாய் ஐஸ்வர்யாவுக்கு என் அன்பு சலாம்.உங்களுடைய லால் சலாம் திரைப்படம் மிகப்பெரிய வெற்றி அடைய எல்லாம் வல்ல இறைவனை வேண்டுகிறேன்@ash_rajinikanth #LalSalaam pic.twitter.com/bmRe8AGLkN
— Rajinikanth (@rajinikanth) February 9, 2024