VJS -சாய் பல்லவி- மணிரத்னத்தின் இஞ்சி வெல்லம் ரிலீஸ் தேதி அறிவிப்பு
செய்தி முன்னோட்டம்
முன்னணி இயக்குநர் மணிரத்னம் இயக்கத்தில் உருவாகியுள்ள புதிய காதல் திரைப்படமான 'இஞ்சி வெல்லம்', வரும் ஜனவரி 29-ஆம் தேதி உலகமெங்கும் உள்ள திரையரங்குகளில் வெளியாக உள்ளதாக படக்குழு அதிகாரப்பூர்வமாக அறிவித்துள்ளது. விஜய் சேதுபதி மற்றும் நடிகை சாய் பல்லவி முதன்முறையாக ஜோடி சேர்ந்துள்ள இப்படத்தை, லைகா புரொடக்ஷன்ஸ் நிறுவனத்தின் சார்பில் சுபாஸ்கரன், மெட்ராஸ் டாக்கீஸ் சார்பில் மணிரத்னம் மற்றும் சிவா ஆனந்த் ஆகியோர் இணைந்து தயாரித்துள்ளனர்.
கதை களம்
கொல்கத்தா பின்னணியில் காதல் கதை
இத்திரைப்படம் மேற்கு வங்க தலைநகரான கொல்கத்தாவை மையக்களமாக கொண்ட ஒரு கவித்துவமான காதல் காவியமாக உருவாக்கப்பட்டுள்ளது.
இப்படத்தில் விஜய் சேதுபதி மூன்று முற்றிலும் மாறுபட்ட தோற்றங்களில் நடித்து அசத்தியுள்ளதாகத் தகவல்கள் தெரிவிக்கின்றன.
மணிரத்னத்தின் இயக்கத்தில் ஏற்கனவே 'செக்கச்சிவந்த வானம்' படத்தில் நடித்த விஜய் சேதுபதி, இரண்டாவது முறையாக அவருடன் இணைந்துள்ள நிலையில், சாய் பல்லவி இயக்குநர் மணிரத்னத்தின் இயக்கத்தில் நடிப்பது இதுவே முதல்முறையாகும்.
படத்தின் படப்பிடிப்பு பணிகள் அனைத்தும் ஏற்கனவே முழுமையாக நிறைவடைந்து, போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன.
ஏ.ஆர். ரஹ்மான் இசை
பலமான தொழில்நுட்பக் கூட்டணி
மணிரத்னம் - ஏ.ஆர். ரஹ்மான் கூட்டணியில் உருவாகும் மற்றுமொரு இசை விருந்தாக 'இஞ்சி வெல்லம்' அமையவுள்ளது.
தேசிய விருது பெற்ற பிரபல ஒளிப்பதிவாளர் அவிக் முகோபாத்யாய் ஒளிப்பதிவு செய்ய, மூத்த படத்தொகுப்பாளர் ஸ்ரீகர் பிரசாத் படத்தொகுப்பு பணிகளைக் கவனித்துள்ளார்.
கலை இயக்குநராக ஷர்மிஷ்டா ராயும், சண்டைப் பயிற்சி இயக்குநராக திலீப் சுப்பராயனும் பணியாற்றியுள்ளனர்.
நீண்ட இடைவெளிக்குப் பிறகு மணிரத்னம் இயக்கும் தூய காதல் திரைப்படம் என்பதால், ரசிகர்கள் மத்தியில் மிகப்பெரிய எதிர்பார்ப்பு உருவாகியுள்ளது.
ட்விட்டர் அஞ்சல்
Twitter Post
Save the date 🥁#Subaskaran Presents ⚡️#InjiVellam from Jan 29th, Worldwide 💥#ManiRatnam @arrahman @MadrasTalkies_ @LycaProductions @VijaySethuOffl @Sai_Pallavi92 @sreekar_prasad #AvikMukhopadhayay @ekalakhani #SharmishtaRoy @BrindhaGopal1 @dhilipaction @AmbadyRanjith… pic.twitter.com/ljIMvpc57o
— Madras Talkies (@MadrasTalkies_) November 11, 2026