பிரபல ஹாலிவுட் ஜோடி ஜெனிபர் லோபஸ் மற்றும் பென் அஃப்லெக் விவாகரத்து கோரி மனு தாக்கல்
செய்தி முன்னோட்டம்
பிரபல ஹாலிவுட் நடிகையும், பாடகியுமான ஜெனிபர் லோபஸ், அவரது கணவர்-நடிகர் பென் அஃப்லெக்கிடம் இருந்து விவாகரத்து கோரி லாஸ் ஏஞ்சல்ஸ் கவுண்டி உயர் நீதிமன்றத்தில் ஆகஸ்ட் 20 அன்று மனு தாக்கல் செய்துள்ளதாக செய்திகள் வெளியாகியுள்ளது.
இந்த ஜோடி கடந்த 2022 இல் திருமணம் செய்து கொண்டது.
திருமணம் முடிந்து இரண்டு ஆண்டுகளே ஆன நிலையில் அவர்கள் அதை விட்டு வெளியேற முடிவு செய்ததாக கூறப்படுகிறது.
கடந்த சில மாதங்களாக, இவர்களது பிரிவினை குறித்த வதந்திகள் பரவி வந்த நிலையில் இந்த செய்தி வெளியாகியுள்ளது.
எனினும் விவாகரத்து தொடர்பான அறிக்கையை இந்த நட்சத்திர தம்பதி இதுவரை பகிர்ந்து கொள்ளவில்லை .
தகவல்
இரண்டு முறை திருமணம் நடத்திய ஜோடி
சட்ட ஆவணங்களில், ஜெனிபர் லோபஸ், தாங்கள் ஏப்ரல் 26, 2024 முதல் பிரிந்து வாழ்வதாக குறிப்பிட்டுள்ளார்.
அறிக்கைகளின்படி, முன்கூட்டிய ஒப்பந்தம் அல்லது தீர்வு எதுவும் இல்லை.
ஜெனிபர் லோபஸுக்கு நெருக்கமான ஒரு ஆதாரம் பீப்பிள்ஸிடம், அவர் பென் அஃப்லெக்கிலிருந்து பிரிவதை குறித்து யோசிக்க நேரம் எடுத்துக் கொண்டதாகவும், இப்போது அவரது வாழ்க்கையின் அடுத்த கட்டத்திற்கு செல்ல தயாராகி விட்டதாகவும் கூறினார்.
ஜெனிபர் லோபஸுக்கும், பென் அஃப்லெக்கும் இதுவரை இரண்டு திருமணங்கள் நடந்தன. முதலில் ஜூலை 16, 2022 அன்று லாஸ் வேகாஸில் திருமணத்தை நடத்தினர்.
ஒரு மாதத்திற்குப் பிறகு, ஆகஸ்ட் 20, 2022 அன்று, மறுபடியும் இந்த தம்பதி ஜார்ஜியாவில் பாரம்பரிய முறைப்படி திருமண விழாவை நடத்தினர்.