"கட்டத்துரைக்கு கட்டம் சரியில்ல" - வின்னர் திரைப்படம் வெளியாகி இன்றுடன் 20 ஆண்டுகள் நிறைவு
செய்தி முன்னோட்டம்
சுந்தர் சி இயக்கத்தில், நடிகர் பிரசாந்த், வடிவேலு, கிரண், எம் என் நம்பியார் உள்ளிட்ட பல முன்னணி நட்சத்திரங்கள் நடித்து கடந்த 2003ஆம் ஆண்டு வெளியாகி சூப்பர் ஹிட் ஆன திரைப்படம் வின்னர்.
படம் வெளியாகி 20 ஆண்டுகளுக்கு பின்னும் இப்படத்தை குறித்த நம் நினைவுகள் இன்னும் பிரஷ்ஷாக இருக்கிறது.
காமெடி, செண்டிமெண்ட், காதல், ஆக்சன் என ஒரு மசாலா படத்திற்கு தேவையான அனைத்தையும் இந்த படத்தில் சுந்தர்.சி சேர்த்திருந்தது படத்தின் வெற்றியை உறுதி செய்தது.
இருப்பினும், இப்படத்தில் ஹீரோ பிரசாந்துக்கு இணையாக, கலக்கிய 'வைகைப்புயல்' வடிவேலுவின் காமெடியை நம் யாராலும் மறக்க முடியாது.
2nd card
சுந்தர் சியின் கம் பேக் திரைப்படம்
கல்லூரியில் வம்பு இழுத்துக் கொண்டிருக்கும் பிரசாந்தை, அவரது பாட்டி தாத்தா வாழும் கிராமத்திற்கு அனுப்பி வைக்கிறார் பிரசாந்தின் அப்பாவான விஜயகுமார்.
விஜயகுமார் காதல் திருமணம் செய்ததால், ஒதுக்கி வைத்து விட்ட அவரது தந்தையான எம் என் நம்பியாருக்கும், எம் என் ராஜமுக்கும் ஆதரவாக இருக்கிறார் வடிவேலு.
பிரசாந்த், தனது தாத்தா பாட்டியை பார்க்க ஊருக்கு வரும்போது, கதாநாயகியான கிரணை பார்க்கிறார். பின்பு அது காதலாக மலர்கிறது.
ரியாஸ்கானின் வில்லத்தனத்தை மீறி, பிரசாந்த் எப்படி தன் காதலியை கரம் பிடித்தார் என்பதை சுந்தர்.சி அவரது பாணியில் படத்தில் சொல்லி இருப்பார்.
3rd card
வயிறு குலுங்க சிரிக்க வைத்த காமெடி
இத்திரைப்படத்தில் 'வருத்தப்படாத வாலிபர் சங்கத்தின்' தலைவர் 'கைபுள்ளயாக' வரும் வடிவேலுவின் கதாபாத்திரம், படத்தை வெற்றி படத்திலிருந்து மாபெரும் வெற்றி படமாக்கியது.
படத்தில் வடிவேலு பேசிய ஒவ்வொரு வசனமும், 20 வருடங்களுக்கு பின் இன்றும் மீம் டெம்ப்ளேடாக நம்மை சிரிக்க வைக்கிறது.
'கட்டதுரைக்கு கட்டம் சரியில்ல', 'இன்னொரு அடி விழுந்துச்சு...நான் அழுதுருவேன்', 'வாழ்க்கைனா சில அடிகள் விழத்தான் செய்யும்', ' இது வாலிப வயசு',' என்ன தம்பி என்ன ஆச்சு' என வடிவேலு பேசும் ஒவ்வொரு வசனமும், இன்னும் எத்தனை ஆண்டுகளானாலும் நம்மை சிரிக்க வைத்துக்கொண்டு இருக்கும்.
4rd card
வின்னரின் வின்னிங் ஃபார்முலா
சுந்தர் சி இயக்கிய 'அன்பே சிவம்', படம் வணிக ரீதியாக தோல்வியடைந்த பின், அவர் மீண்டும் தனது கமர்சியல் பாணிக்கு திரும்பினார்.
ஒரு சினிமா வெற்றி பெறுவதற்கு மிகப்பெரிய பொருட்செலவுகளோ, சூப்பர் ஸ்டர்களோ தேவையில்லை என தமிழ் சினிமாவிற்கு உணர்த்திய படம் வின்னர்.
அனைவரும் பார்த்து பழகிய கதையை, மீண்டும் தன் பாணியில் நிறைய காமெடி மற்றும் ஆக்சன் சேர்த்து வெற்றி பெற வைத்து காட்டி கம் பேக் கொடுத்தார் சுந்தர் சி.
வாய்ப்பு கிடைத்தால் வின்னர் நாம் அனைவரும் மீண்டும் பார்க்க வேண்டிய ஒரு திரைப்படம்.