நடிகர் தனுஷின் டி52 படத்தை தயாரிக்கப்போகும் நிறுவனம் இதுதான்; வெளியானது அறிவிப்பு
செய்தி முன்னோட்டம்
டான் பிக்சர்ஸ் என்ற புதிய தயாரிப்பு நிறுவனத்தின் படத்தில் தனுஷ் நடிக்க உள்ளார் என அதிகாரப்பூர்வமாக அறிவிக்கப்பட்டுள்ளது. செவ்வாய்க்கிழமை (செப்டம்பர் 17) படக்குழு வெளியிட்ட எக்ஸ் பதிவில், "டான் பிக்சர்ஸ் எங்கள் முதல் மதிப்புமிக்க திட்டத்தை அறிவிப்பதில் உற்சாகமாக உள்ளது. இது தயாரிப்பு நிறுவனத்திற்கு ஒரு குறிப்பிடத்தக்க மைல்கல்லைக் குறிக்கிறது. உலகெங்கிலும் உள்ள பார்வையாளர்களை எதிரொலிக்கும் இதயப்பூர்வமான மற்றும் புதுமையான உள்ளடக்கத்தை உருவாக்க நாங்கள் கடமைப்பட்டுள்ளோம். மேலும், "நடிப்பின் அசுரன்' தனுஷ் சார் உடன் இணைந்து "டி52" என்ற எங்கள் முதல் திட்டத்தை பெருமையுடன் அறிவிக்கிறோம். இந்த அற்புதமான பயணத்தில் அவருடன் ஒத்துழைக்க கிடைத்த இந்த அருமையான வாய்ப்பிற்காக தனுஷ் சாருக்கு மனமார்ந்த நன்றிகள். - ஆகாஷ் பாஸ்கரன், தயாரிப்பாளர்." எனத் தெரிவிக்கப்பட்டுள்ளது.
ட்விட்டர் அஞ்சல்
டான் பிக்சர்ஸின் எக்ஸ் பதிவு
NEW BEGINNINGS! 💥
— DawnPictures (@DawnPicturesOff) September 17, 2024
Dawn Pictures launches with a bang!
We are proud to announce our maiden project #D52, starring @dhanushkraja sir 🔥@aakashbaskaran @wunderbarfilms @DawnPicturesOff #DawnPictures @theSreyas pic.twitter.com/Iet4X0cdD1
படக்குழு
டி52 படத்தின் இயக்குனர் மற்றும் நடிகர்கள் குறித்த தகவல்கள்
டி52 படம் குறித்த அறிவிப்பு வெளியானாலும், இயக்குனர் உட்பட படத்தின் நடிகர்கள் மற்றும் குழுவினர் பற்றிய விவரங்கள் இன்னும் அறிவிக்கப்படவில்லை. டான் பிக்சர்ஸ் நிறுவனம் தனுஷின் வுண்டர்பார் பிலிம்ஸுடன் இணைந்து இதைத் தயாரிக்கிறது. தற்போது நிலவுக்கு என் மேல் என்னடி கோபம் என்ற படத்தை இயக்கி வரும் தனுஷுக்கு சமீபத்தில் தயாரிப்பாளர் சங்கத்தில் ரெட் கார்டு போடப்பட்டது. இதையடுத்து, ஃபைவ் ஸ்டார் கிரியேஷன்ஸ் நிறுவனத்திடம் இருந்து வாங்கிய தொகையை தனுஷ் திருப்பித் தர சம்மதித்து, தேனாண்டாள் பிலிம்ஸ் நிறுவனத்தில் நடிக்க ஒப்புக்கொண்டதன் மூலம் பிரச்சினை முடித்து வைக்கப்பட்டது. இதற்கிடையே, சேகர் கம்முலாவின் குபேராவில் ராஷ்மிகா மந்தனா, நாகார்ஜுனாவுடன் தனுஷ் இணைந்து நடிக்க உள்ளது குறிப்பிடத்தக்கது.