பிக்பாஸ் தமிழ் சீசன் 8: விறுவிறுப்பை கூட்ட களமிறங்கும் வைல்ட் கார்டு போட்டியாளர்கள்
செய்தி முன்னோட்டம்
பிக்பாஸ் தமிழ் சீசன் 8 நிகழ்ச்சியில், தீபாவளி பண்டிகைக்கு தொடர்பாக 5 வைல்ட் கார்டு போட்டியாளர்கள் களமிறக்கப்படுவதாக தகவல் கசிந்துள்ளது.
விஜய் டிவியில் ஒளிபரப்பாகும் பிக்பாஸ் தமிழ் சீசன் 8 நிகழ்ச்சி அக்டோபர் மாத துவக்கத்தில் ஒளிபரப்பாக துவங்கியது.
18 போட்டியாளர்களுடன் தொடங்கிய இந்த நிகழ்ச்சியினை மக்கள் செல்வன் விஜய் சேதுபதி தொகுத்து வழங்கி வருகிறார்.
ஆரம்பத்தில் விஜய் சேதுபதியின் தொகுத்து வழங்கும் திறன் குறித்து சந்தேகங்களை எழுப்பிய நேயர்கள், அவர் பொட்டில் அடித்தார் போல ஹவுஸ்மேட்ஸை கேள்வி கேட்கும் ஸ்டைலை தற்போது வெகுவாக ரசிக்க துவங்கிவிட்டனர்.
வாழைப்பழத்தில் ஊசி ஏற்றுவது கமலின் ஸ்டைல் என்றால், வெட்டு ஒன்று துண்டு ரெண்டு என கேள்வி கேட்டு விடை பெறுவது VJS ஸ்டைல்
வைல்ட் கார்டு
3 வைல்ட் கார்டு போட்டியாளர்கள்
நிகழ்ச்சி தொடங்கிய முதல் நாளிலேயே சாச்சனா அதிரடியாக வெளியேறிய நிலையில், ஒரே வாரத்தில் அவர் மீண்டும் வைல்ட் கார்டு-ஆக திரும்பினார்.
அதன்பின்னர் நடந்த வீக்எண்டு எவிக்ஷனில் வெளியேறினார் 'ஃபாட்மேன்' ரவீந்தர்.
ஆண்கள் அணி, பெண்கள் அணி என பிரிக்கப்பட்ட வீட்டில் பெரிதாக சுவாரசிய நிகழ்வுகள் ஏதும் இல்லாததால், விரைவில் வைல்ட்கார்டு போட்டியாளர்களை இறக்க முடிவெடுக்கப்பட்டுள்ளதாக செய்திகள் தெரிவிக்கின்றன.
தற்போது, தீபாவளி ஸ்பெஷலாக 5 புதிய போட்டியாளர்கள் களமிறக்கப்படுவதற்கான முடிவு எடுக்கப்பட்டுள்ளது எனவும் கூறப்படுகிறது.
வைல்ட் கார்டு போட்டியாளர்களில், சீரியலில் நாயகியாக நடித்த திவ்யா ஸ்ரீதர் (அர்னவின் மனைவி), விஜய் டிவியின் முன்னணி நடிகர்கள் டிஎஸ்கே, வினோத் பாபு, மற்றும் நடிகை ஐஸ்வர்யா பாஸ்கரன் ஆகியோர் ஆவர். மற்றொரு போட்டியாளர் குறித்த தகவல் இல்லை.