'அஜித் ரசிகன் - விஜய் தொண்டன்'; தவெக மாநாட்டில் சர்ப்ரைஸ் கொடுத்த அஜித் ரசிகர்கள்
விக்கிரவாண்டி வி.சாலை கிராமத்தில் இன்று (அக்டோபர் 27) நடைபெற உள்ள தமிழக வெற்றிக் கழக (தவெக) முதல் மாநில மாநாட்டில் நடிகர்கள் அஜித் குமார் மற்றும் விஜயின் ரசிகர்கள் தனித்துவத்தை வெளிப்படுத்தினர். விஜயின் கட்சித் தொண்டர்கள் மற்றும் ரசிகர்களால் மாநாட்டுத் திடல் மக்கள் வெள்ளத்தில் மிதந்து வரும் நிலையில், அஜித் ரசிகர்கள் அங்கு உள்ளது குறிப்பிடத்தக்க அளவில் கவனத்தை ஈர்த்துள்ளது. குறிப்பிடத்தக்க வகையில், நிகழ்வு நடைபெறும் இடத்திற்கு செல்லும் வழித்தடத்தில் அமைக்கப்பட்ட பெரிய கட்அவுட்களில், இரு நடிகர்களின் ரசிகர்களுக்கு இடையேயான நட்புறவை உணர்த்தும் வகையில், "அஜித் ரசிகன் - விஜய் தொண்டன்" என்ற பதாகைகள் இடம்பெற்றிருந்தன. மேலும், அங்கு நிறுத்தப்பட்டுள்ள தனியார் ஆம்புலஸ் வாகனங்கள் பலவற்றில் அஜித்தின் படங்கள் இருந்ததும் குறிப்பிடத்தக்கது.
சினிமா மோதல் மறைந்து துளிர்க்கும் ஒற்றுமை
இந்த நல்லெண்ணக் காட்சியானது தமிழ் சினிமா நட்சத்திரங்களின் ரசிகர்களுக்கிடையில் பாரம்பரியமாக இருக்கும் மோதல்களுக்கு எதிராக உள்ளது. எம்ஜிஆர்-சிவாஜி, ரஜினிகாந்த்-கமல்ஹாசன் மற்றும் விஜய்-அஜித் போன்ற நடிகர்களின் ரசிகர் குழுக்களுக்கு இடையேயான எப்போதும் ஒருவிதமான போட்டி மனப்பான்மை இருந்து வந்துள்ளது. இந்த நடிகர்கள் தங்களுக்குள் இணக்கமான உறவுகளைப் பகிர்ந்து கொண்டாலும், ரசிகர்களிளிடையே மோதல் நீடித்து, தற்போது சமூக ஊடகங்களிலும் அவை எதிரொலித்து வருகின்றன. இந்நிலையில், தவெக மாநாட்டில் உள்ள இன்றைய நிகழ்வு, தமிழ்த் திரையுலகில் ஒற்றுமையான அணுகுமுறையை வளர்க்கும் வகையில், ரசிகர்களிடையே இருக்கும் மோதல் போக்குகளை முடிவுக்கு கொண்டு வருமா என்ற கேள்வியை எழுப்புகிறது.
