தொடர்ந்து கலாக்ஷேத்ரா ஆசிரியர்களுக்கு சப்போர்ட் செய்யும் அபிராமி; நறுக்கென்று கேள்வி கேட்ட குட்டி பத்மினி
செய்தி முன்னோட்டம்
விஸ்வரூபம் எடுத்து வரும் சென்னை கலாக்ஷேத்ரா விவகாரத்தில், கல்லூரியின் ஆசிரியர்கள் மூவர் மேல், மாணவிகள் புகார் அளித்த நிலையில், அந்த கல்லூரியின் முன்னாள் மாணவியும், நடிகையுமான அபிராமி, ஆசிரியர்கள் தரப்பில் இருக்கும் நியாயத்தையும் கேட்க வேண்டும் என்று கூறி இருந்தார். அதோடு, தான் படித்த காலத்தில் இது போன்ற பாலியல் தொல்லைகள் எதுவுமே நடைபெற்றதில்லை எனவும், குற்றம் சுமத்தப்பட்ட ஹரி பத்மன் மீது, வேறு யாரோ காழ்ப்புணர்ச்சி காரணமாக இது போன்ற பொய் பிரச்சாரங்களில் ஈடுபடுவதாகவும் அவர் கூறினார். அபிராமியின் இந்த பதில், பலரையும் கோவப்பட வைத்து. பாடகி சின்மயி உடனே ட்விட்டரில் அவரை கடிந்து பதிவிட்டார். இந்நிலையில் பழம்பெரும் நடிகையும் தயாரிப்பாளருமான குட்டி பத்மினி, அபிராமியை திட்டி ஒரு வீடியோ வெளியிட்டுள்ளார்.
card 2
குட்டி பத்மினி Vs அபிராமி
குட்டி பத்மினி அந்த வீடியோவில் அபிராமியிடம் சரமாரியாக கேள்விகள் கேட்டிருந்தார். "புகாரை prove செய்ய சொல்லி கேட்கிறீர்களே, பாலியல் தீண்டல் நடக்கும்போது ஒரு பெண் எப்படி கேமரா ON செய்து விட்டு Retake என்றா கூற முடியும்?" என கேட்டார். "நீங்கள் சினிமாவில் இருப்பதால், உங்களுக்கு 'தொடுதல்' என்பது தவறாக தோன்றாமல் இருக்கலாம்" எனவும் கூறினார் குட்டி பத்மினி. இதற்கு பதிலளிக்கும் விதமாக அபிராமி தனது இன்ஸ்டாகிராம் பக்கத்தில், "திரைத்துறையில் இருக்கும் எல்லா பெண்களும் உங்களை மாதிரி இருக்க மாட்டார்கள் குட்டி பத்மினி ஆண்ட்டி...உங்களுக்கே பத்திக்கிட்டு வருதுன்னா, நல்ல குடும்பத்துல பிறந்த எங்களுக்கு எவ்ளோ எரியும் ஆண்ட்டி! நாங்க பாத்துக்குறோம் ஆண்ட்டி. இந்த வயசான காலத்துல நீங்க உடம்ப பாத்துக்கோங்க" என பதிவிட்டுள்ளார்.