"போலியான வருத்தத்திற்கு உண்மையை பலி கொடுக்க முடியாது"- ஞானவேல் ராஜா அறிக்கைக்கு சசிகுமார் கண்டனம்
செய்தி முன்னோட்டம்
பருத்திவீரன் திரைப்படம் தொடர்பாக இயக்குனர் அமீருடன் ஏற்பட்ட மோதலுக்கு, அறிக்கை வாயிலாக தயாரிப்பாளர் ஞானவேல் ராஜா வருத்தம் தெரிவித்திருந்த நிலையில், அதை "போலியான வருத்தம்" என சசிகுமார் கண்டித்துள்ளார்.
இது குறித்து நடிகர் சசிக்குமார், "போலியான வருத்தத்திற்கு உண்மையை பலி கொடுக்க முடியாது" என்ற தலைப்பில் வெளியிட்டுள்ள அறிக்கையில்,
அமீர், ஞானவேல் ராஜா மீது சுமத்திய 'பொய்யான குற்றச்சாட்டுகள்' என்ன என கேள்வி எழுப்பியுள்ளார்.
தயாரிப்பாளர் ஞானவேல் ராஜா தனது அறிக்கையில், "அமீர் தன் மீது பொய்யான குற்றச்சாட்டுகளை சுமத்தியதால், சில வார்த்தைகளை அவர் பயன்படுத்தியதாக" கூறியிருந்த நிலையில், அதை தன் அறிக்கையில் சசிகுமார் சுட்டிக்காட்டி உள்ளார்.
2nd card
"பெயரிடப்படாத அந்த கடிதம் யாருக்கு?"- சசிக்குமார்
மேலும், ஞானவேல் ராஜா அவரது அறிக்கையில், "நான் பயன்படுத்திய சில வார்த்தைகள் புண்படுத்தி இருந்தால்" எனக் குறிப்பிட்டிருந்தார்.
சசிக்குமார் அவரது அறிக்கையில், 'அந்த வார்த்தைகள் என்ன' என வினவியுள்ளார்.
மேலும், ஞானவேல் ராஜா திட்டமிட்டு அவமானப்படுத்திவிட்டு, அதற்கு அவரே வருந்துவது எந்த மாதிரி வருத்தம் என கேட்டுள்ளார்.
இந்த அறிக்கை மூலம் ஞானவேல் ராஜா, அமீர் அண்ணனுக்கு சொல்வது என்ன என்றும், ஞானவேல் ராஜாவின் பேரிடப்படாத அறிக்கை யாருக்கு எழுதப்பட்டது எனவும் சசிக்குமார் கேள்வி எழுப்பியுள்ளார்.
3rd card
அமீருக்கு தொடர்ந்து ஆதரவளிக்கும் சசிகுமார்
தயாரிப்பாளர் ஞானவேல் ராஜா தான் வழங்கிய நேர்காணலில், அமீரை வேலை தெரியாதவர் எனவும், திருடர் எனவும் விமர்சித்து இருந்தார்.
இதற்கு உடனடியாக பதிலடி கொடுத்த சசிகுமார், பருத்திவீரன் படத்தின் படப்பிடிப்புக்கு, அமீருக்கு தான் பணம் வழங்கி உதவியதாகவும் தெரிவித்திருந்தார்.
இந்நிலையில், தனது பேச்சுக்கு ஞானவேல் ராஜா வருத்தம் தெரிவித்ததால், இந்த சர்ச்சை முடிந்து விட்டது என நினைத்த நிலையில், சசிக்குமாரின் அறிக்கை பிரச்சனைகளை மேலும் அதிகரிக்கும் என கூறப்படுகிறது.
ட்விட்டர் அஞ்சல்
ஞானவேல் ராஜா அறிக்கைக்கு சசிகுமார் கண்டனம்
#Ameer #Paruthiveeran #Gnanavelraja pic.twitter.com/VuzqC8Cuvq
— M.Sasikumar (@SasikumarDir) November 29, 2023