நடிகர் சங்கம் விளக்கம் கேட்கவில்லை- மன்சூர் அலிகான்
செய்தி முன்னோட்டம்
நடிகை திரிஷா குறித்து சர்ச்சை கருத்து தெரிவித்த விவகாரத்தில் நடிகர் சங்கம் தன்னிடம் விளக்கம் கேட்கவில்லை எனவும், தன்னை பலிகேடா ஆக்கி நடிகர் சங்கம் நற்பெயர் வாங்க முயற்சிப்பதாகவும் மன்சூர் அலிகான் கூறியுள்ளார்.
லியோ திரைப்படத்தில் திரிஷா மற்றும் மன்சூர் அலிகான் நடித்திருந்த நிலையில், திரிஷா குறித்து அண்மையில் பத்திரிகையாளர் சந்திப்பில் மன்சூர் அலிகான் சர்ச்சைக்குரிய வகையில் பேசி இருந்தார்.
இந்த விவகாரம் பூதாகரமாகவே பல்வேறு நடிகர்கள் மற்றும் நடிகர் சங்கத்தினர் திரிஷாவுக்கு ஆதரவாக குரல் கொடுத்தனர்.
மேலும், தேசிய மகளிர் ஆணையம் தாமாக முன்வந்து மன்சூர் அலிகான் வழக்குப்பதிய தமிழ்நாடு டிஜிபிக்கு உத்தரவிட்டது.
இந்நிலையில், நேற்று முன்தினம் நடிகர் சங்கம், மன்சூர் அலிகான் பேச்சுக்கு கண்டனம் தெரிவித்து அறிக்கை வெளியிட்டிருந்தது.
2nd card
நடிகர் சங்கம் மிகப்பெரிய தவறு செய்துள்ளது- மன்சூர் அலிகான்
தற்போது நடிகர் சங்கத்தின் அறிக்கைக்கு மன்சூர் அலிகான் பதில் அளித்துள்ளார்.
"நடிகர் சங்கம் மிகப்பெரிய தவறு செய்துள்ளது. மக்களுக்கு என்னைப் பற்றி தெரியும். தமிழ்நாடே என் பக்கம் உள்ளது. நான் மன்னிப்பு கேட்கக் கூடியவனா?"
"எரிமலைக் குமுறினால் எல்லோரும் ஓடி போய் விடுவார்கள். நான் பேசியது தொடர்பாக நடிகர் சங்கம் விளக்கம் கேட்கவே இல்லை. பொண்ணு மாப்பிள்ளை மாதிரி என் புகைப்படத்தையும் திரிஷா புகைப்படத்தையும், போட்டு செய்தி வெளியிட்டனர்."
"இந்த செய்தி ஹாலிவுட் வரை போய்விட்டது, எல்லோரும் என்னை போன் பண்ணி கேட்கிறார்கள். நடிகர் சங்கம் அளித்த அறிக்கையை நான்கு மணி நேரத்தில் வாபஸ் பெற வேண்டும். நான் திரிஷாவை பற்றி பாராட்டி பேசி உள்ளேன்" என கூறியுள்ளார்.