இளையராஜாவின் வாழ்க்கை படத்தில் நடிக்கிறார் தனுஷ்; இணையத்தில் கசிந்த சூப்பர் தகவல்
நடிகர் தனுஷ், தீவிரமான இளையராஜா ரசிகர் என்பது தெரிந்ததே. இளையராஜாவின் இசைநிகழ்ச்சிகள் அனைத்திலும் தவறாமல் கலந்துகொள்வதோடு மட்டுமின்றி, அவருடன் மேடையேறியும் பாடியுள்ளார். முத்தாய்ப்பாக, சமீபத்தில் வெளியான 'விடுதலை' திரைப்படத்தில், இளையராஜாவின் இசையில் பாடும் வாய்ப்பையும் பெற்றார். இந்த நிலையில், இளையராஜாவின் வாழ்க்கை படத்தில், தனுஷ் அவரின் கதாபாத்திரத்தை ஏற்று நடிக்கவுள்ளார் என்ற செய்தி தற்போது வெளியாகியுள்ளது. எக்ஸ் தளத்தில், மூத்த பத்திரிகையாளர் லதா ஸ்ரீனிவாசன் பகிர்ந்துள்ள செய்தியின் படி, இந்த திரைப்படம், '2024 இறுதியில் தொடங்கப்பட்டு, '2025 இல் திரைக்கு வரும். கனெக்ட் மீடியா என்ற நிறுவனம் இத்திரைப்படத்தை தயாரிக்கவுள்ளது. முன்னதாக ஒரு முறை, யுவன் ஷங்கர் ராஜா, தன்னுடைய தந்தையின் பயோபிக்கில், தனுஷ் நடித்தால் பொருத்தமாக இருக்கும் என கூறியது குறிப்பிடத்தக்கது
