சில்லறை விற்பனைக் கடைகளில் கவனம் செலுத்தவிருக்கும் சீன ஸ்மார்ட்போன் தயாரிப்பாளரான ஷாவ்மி
செய்தி முன்னோட்டம்
இந்தியாவில் சில்லறை விற்பனைக் கடைகள் மூலம் மேற்கொள்ளப்படும் ஸ்மார்ட்போன் விற்பனை அளவை அதிகரிக்கத் திட்டமிட்டிருக்கிறது சீனாவைச் ஸ்மார்ட்போன் தயாரிப்பு நிறுவனமான ஷாவ்மி.
இந்தியாவில் கால் பதித்தது முதலே ஆன்லைன் விற்பனையிலேயே அதிக கவனம் செலுத்தி வந்தது ஷாவ்மி நிறுவனம். அந்நிறுவனம் விற்பனை செய்யும் ஸ்மார்ட்போன்களில், 66% போன்கள் ஆன்லைன் தளங்கள் மூலமே விற்பனை செய்யப்பட்டு வருகிறது.
கடந்த ஆண்டு வரை இந்தியாவில் ஸ்மார்ட்போன் விற்பனையில் முன்னணியில் இருந்த ஷாவ்மி, 2023-ம் ஆண்டின் முதல் காலாண்டில் சாம்சங்கிடம் பின்தங்கியதையடுத்து இந்த முடிவை எடுத்திருக்கிறது அந்நிறுவனம்.
தற்போது இந்தியாவில் ஸ்மார்ட்போன் விற்பனையி்ல 20% சந்தைப் பங்குகளுடன் முன்னணியில் இருக்கிறது சாம்சங், அதனைத் தொடர்ந்து 17% சந்தைப் பங்குகளுடன் இரண்டாமிடத்தைப் பிடித்திருக்கிறது விவோ.
ஷாவ்மி
பின்தங்கிய ஷாவ்மி:
கடந்தாண்டு மூன்றாம் காண்டிடு வரை இந்திய ஸ்மார்ட்போன் விற்பனையில் 19% சந்தைப் பங்குகளுடன் முதலிடத்தில் இருந்த ஷாவ்மி, தற்போது 16% சந்தைப் பங்குகளுடன் மூன்றாமிடத்தைப் பிடித்திருக்கிறது. முதலிடத்தில் இருக்கும் சாம்சங் நிறுவனம், இந்தியாவில் தாங்கள் விற்பனை செய்யும் ஸ்மார்ட்போன்களில் 57% போன்களை சில்லறை விற்பனைக் கடைகளின் மூலமே விற்பனை செய்கிறது.
இதனைத் தொடர்ந்து, அடுத்து சில்லறை விற்பனைக் கடைகளின் விற்பனையில் கவனம் செலுத்தவிருக்கிறது ஷாவ்மி. இந்தியாவில் தங்களது சில்லறை விற்பனைக் கடை வலைப்பின்னலையும், தற்போதைய 18,000 கடைகளில் இருந்து அதிகரிக்கவிருக்கிறது ஷாவ்மி.
ஸ்மார்ட்போன்கள் மட்டுமின்றி, தங்களது சில்லறை விற்பனைக் கடைகள் வலைப்பின்னலின் மூலம் பிற மின்னணு சாதனங்களான ஷாவ்மி டிவி, செக்யூரிட்டி கேமரா உள்ளிட்ட உபகரணங்களின் விற்பனையையும் மேம்படுத்தத் திட்டமிட்டிருக்கிறது அந்நிறுவனம்.