ஆன்லைனில் உணவு ஆர்டர் செய்து சாப்பிடுபவர்களுக்கு ஷாக் கொடுத்த ஸ்விக்கி; பிளாட்ஃபார்ம் கட்டணம் ரூ.14 ஆக உயர்வு
செய்தி முன்னோட்டம்
உணவு விநியோக நிறுவனமான ஸ்விக்கி மீண்டும் உணவு ஆர்டர்களுக்கான பிளாட்ஃபார்ம் கட்டணத்தை ரூ.2 முதல் ரூ.14 வரை உயர்த்தியுள்ளது. பண்டிகை காலம் நெருங்கும் நிலையில் செயல்படுத்தப்பட்டுள்ள இந்த உயர்வு, அதிக வாடிக்கையாளர் பரிவர்த்தனைகளைப் பயன்படுத்திக் கொள்வதை நோக்கமாகக் கொண்டுள்ளது என்று தொழில்துறை வட்டாரங்கள் தெரிவிக்கின்றன. கடந்த இரண்டு ஆண்டுகளில் நிறுவனம் அதன் பிளாட்ஃபார்ம் கட்டணத்தை சீராக அதிகரித்து வருகிறது. ஏப்ரல் 2023 இல் ரூ.2 இல் தொடங்கிய விலை, ஜூலை 2024 இல் ரூ.6 ஆகவும், பின்னர் அக்டோபர் 2024 இல் ரூ.10 ஆகவும் உயர்ந்து, இப்போது ரூ.14 ஆக உள்ளது. அதாவது இரண்டு ஆண்டுகளில் 600 சதவீதம் அதிகரித்துள்ளது.
20 லட்சம்
தினசரி 20 லட்சம் ஆர்டர்
ஸ்விக்கி தினசரி 20 லட்சங்களுக்கும் அதிகமான ஆர்டர்களை மேற்கொண்டு வரும் நிலையில், திருத்தப்பட்ட கட்டண அமைப்பு மூலம் கூடுதலாக தினசரி வருவாயாக கோடிக்கணக்கில் பெற உள்ளது. நிலையான உயர்வுகள் இருந்தபோதிலும், ஸ்விக்கி தொடர்ந்து விரிவடையும் இழப்புகளைச் சந்தித்து வருகிறது. நிதியாண்டு 26 ஜூன் காலாண்டில், அந்த நிறுவனம் ரூ.1,197 கோடி நிகர இழப்பைப் பதிவு செய்துள்ளது, இது கடந்த ஆண்டு இதே காலாண்டில் பதிவு செய்யப்பட்ட ரூ.611 கோடி இழப்பை விட கிட்டத்தட்ட இரு மடங்கு அதிகமாகும். இழப்புகள் முக்கியமாக அதன் விரைவு-வணிக நிறுவனமான இன்ஸ்டாமார்ட்டால் ஏற்பட்டதாகக் கூறப்படுகிறது. இதற்கிடையே ஸ்விக்கியின் போட்டியாளரான ஜொமாட்டோ இரண்டு ஆண்டுகளுக்குள் பிளாட்ஃபார்ம் கட்டணங்களை ஐந்து மடங்கு உயர்த்தியுள்ளது குறிப்பிடத்தக்கது.