பெட்ரோல், டீசல் விலை லிட்டருக்கு ரூ.2 குறைப்பு: மத்திய அரசு
செய்தி முன்னோட்டம்
பெட்ரோல் மற்றும் டீசல் விலை லிட்டருக்கு ரூ.2 குறைக்கப்படுவதாக மத்திய அரசு நேற்று இரவு அதிரடியாக அறிவித்துள்ளது.
இந்த விலை குறைப்பு இன்று காலை 6 மணி முதல் அமலுக்கு வரும் எனவும் தெரிவிக்கப்பட்டுள்ளது.
இதுகுறித்து மத்திய பெட்ரோலிய அமைச்சகத்தின் எக்ஸ் தளத்தில் தெரிவிக்கப்பட்டுள்ளதாவது: "நாடு முழுவதும் பெட்ரோல், டீசல் விலையை தலா ரூ.2 குறைக்க வேண்டும் என எண்ணெய் நிறுவனங்களுக்கு உத்தரவிடப்பட்டுள்ளது. புதிய விலை மார்ச் 15-ம் தேதி காலை 6 மணி முதல் அமலுக்கு வருகிறது".
"இதன்மூலம் 58 லட்சம் கனரகவாகனங்கள்,6 கோடி கார்கள்,27 கோடி இருசக்கர வாகனங்களுக்கான எரிபொருள் செலவு குறையும்".
முன்னதாக, மகளிர் தினத்தை முன்னிட்டு வீட்டு பயன்பாட்டிற்கான கேஸ் சிலிண்டர் விலையும் ரூ.100 குறைக்கப்பட்டது குறிப்பிடத்தக்கது.
ட்விட்டர் அஞ்சல்
பெட்ரோல், டீசல் விலை குறைப்பு
#FuelPrice | மக்களவைத் தேர்தல் அட்டவணை எப்போது வேண்டுமானாலும் வெளியாகலாம் எனக் கூறப்படும் நிலையில், 663 நாட்களுக்குப் பிறகு பெட்ரோல் ₹1.88 மற்றும் டீசல் ₹1.90 குறைப்பு#SunNews | #PetrolDieselPrice | #Chennai pic.twitter.com/RBSOEn9MXz
— Sun News (@sunnewstamil) March 15, 2024