ஹூண்டாய் i20க்கான காத்திருப்பு காலம் 3 மாதங்கள் வரை நீட்டிக்கப்பட்டுள்ளது
செய்தி முன்னோட்டம்
நீங்கள் ஹூண்டாய் நிறுவனத்தின் பிரீமியம் ஹேட்ச்பேக், i20 ஐ இந்த ஜனவரியில் வாங்க திட்டமிட்டால், மூன்று மாதங்கள் வரை காத்திருக்க தயாராக இருங்கள்.
இந்த நீண்ட காத்திருப்பு காலம், அதன் Asta (O) CVT மற்றும் Sportz CVT மாடல்களுக்கு பொருந்தும்.
மற்ற அனைத்து வகைகளுக்கும் முன்பதிவு செய்யப்பட்ட நாளிலிருந்து ஒன்றரை மாதங்கள் வரை காத்திருக்கும் காலம் உள்ளது.
கடந்த வாரம் i20 ரேஞ்ச், விலை உயர்வைக் கண்டது. தற்போது இதன் தொடக்க விலை ரூ.7.04 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது.
கடந்த வாரம், ஸ்டாண்டர்ட் i20 வரிசையின் விலை ரூ.1,900-4,900 அதிகரித்தது. அதனால் ஸ்டாண்டர்ட் i20 இன் திருத்தப்பட்ட விலை ரூ. 7.04 லட்சத்திலிருந்து ரூ. 11.21 லட்சம் என உயர்ந்துள்ளது.
அம்சங்கள்
ஹூண்டாய் i20 அம்சங்கள்
ஹூண்டாய் i20 மற்றும் i20 N-Line, ஸ்வெப்ட்பேக் LED ஹெட்லேம்ப்கள், ஒரு பெரிய பிளாக்-அவுட் கிரில், திருத்தப்பட்ட பம்ப்பர்கள், ஒரு ஆக்ரோசிவ் ஏர் ஸ்ப்ளிட்டர், ஒரு டிஃப்பியூசர் மற்றும் Z- வடிவ LED டெயில்லைட்கள் போன்ற அம்சங்களை பெற்றுள்ளது.
ஹேட்ச்பேக்கில் ஐந்து இருக்கைகள் கொண்ட கேபின், பிரீமியம் லெதரெட் அப்ஹோல்ஸ்டரி, நீல நிற சுற்றுப்புற விளக்குகள், குளிரூட்டப்பட்ட க்ளோவ்பாக்ஸ், ஏழு ஸ்பீக்கர் போஸ் சவுண்ட் சிஸ்டம் மற்றும் ஆப்பிள் கார்ப்ளே மற்றும் ஆண்ட்ராய்டு ஆட்டோவுடன் கூடிய பெரிய 10.25 இன்ச் டச்ஸ்கிரீன் இன்ஃபோடெயின்மென்ட் பேனல் ஆகியவற்றைக் கொண்டுள்ளது.
முந்தையது(ஹூண்டாய் i20)1.2-லிட்டர் இயற்கையான-ஆஸ்பிரேட்டட் பெட்ரோல் மோட்டாரை (87hp/115Nm மற்றும் 82hp/115Nm) பெறுகிறது, பிந்தையது( ஹூண்டாய் i20 N-Line)1.0-லிட்டர் டர்போ-பெட்ரோல் மில் (118hp/172Nm) பயன்படுத்துகிறது.