அப்டேட் செய்யப்பட்ட 'HF டீலக்ஸ்' பைக்கை வெளியிட்டது ஹீரோ!
தொடக்கநிலை 100சிசி கம்யூட்டர் பைக்கான HF டீலக்ஸ் மாடலை புதிய பிஎஸ்-6 இரண்டாம் கட்ட விதிகளுக்கு ஏற்ப அப்டேட் செய்து, கூடுதல் வசதிகளுடன் வெளியிட்டிருக்கிறது ஹீரோ நிறுவனம். HF டீலக்ஸில் 8hp பவர் மற்றும் 8.05Nm டார்க்கை வெளிப்படுத்தும் சிங்கிள் சிலிண்டரைக் கொண்ட ஏர் கூல்டு 97சிசி இன்ஜினைக் கொடுத்திருக்கிறது ஹீரோ. இந்த இன்ஜினை தற்போது புதிய விதிமுறைகளுக்கு ஏற்ப ODB-2 மற்றும் E20-க்கு ஏற்ற வகையில் அப்டேட் செய்திருக்கிறது அந்நிறுவனம். முன்பக்கம் டெலிஸ்கோபிக் ஃபோர்க், பின்பக்கம் ட்வின் ஷாக் அப்சார்பர் செட்டப்பைக் கொண்டிருக்கிறது HF டீலக்ஸ். 9.6 லிட்டர் ப்யூல் டேங்க்குடன், 112 கிலோ எடையைக் கொண்டிருக்கிறது இந்த கம்யூட்டக் பைக்.
புதிய மாற்றங்கள் மற்றும் விலை:
இந்த அப்டேட் செய்யப்பட்ட புதிய HF டீலக்ஸ் பைக்கில் கிக் ஸ்டார்ட், செல்ஃப் ஸ்டார்ட் மற்றும் i3s செல்ஃப் ஸ்டார்ட் என மூன்று வேரியன்ட்களை வழங்குகிறது ஹீரோ. மூன்று வேரியன்ட்களிலும் ட்யூப்லெஸ் டயர்களை ஸ்டாண்டர்டாகவே வழங்கியிருக்கிறது ஹீரோ. இத்துடன் யுஎஸ்பி சார்ஜரையும் ஆப்ஷனலாக வழங்குகிறது ஹீரோ. மேலும், இந்த பைக்கிற்கு ஐந்து வருட வாராண்டியும், ஐந்து இலவச சர்வீஸ்களையும் ஸ்டாண்டர்டாக வழங்கியிருக்கிறது ஹீரோ. ரூ.60,760 எக்ஸ்-ஷோரூம் விலையில் தொடக்கும் இதன் கிக் ஸ்டார்ட் வேரியன்டானது, i3s வேரியன்டிற்கு ரூ.67,208 எக்ஸ்-ஷோரூம் விலை வரை நிர்ணயிக்கப்பட்டிருக்கிறது. சமீபத்தில் அப்டேட் செய்யப்பட்ட ஹோண்டா ஷைன் 100 மற்றும் பஜாஜ் பிளாட்டினா 100 ஆகிய பைக்குகளுக்குப் போட்டியாக விற்பனை செய்யப்படவிருக்கிறது இந்த HF டீலக்ஸ்.
இந்த காலவரிசையைப் பகிரவும்