சீனாவில் அறிமுகப்படுத்தப்பட்ட பாவ்ஜன் யெப் எலெக்ட்ரிக் கார்.. இந்தியாவிலும் வெளியாகுமா?
செய்தி முன்னோட்டம்
சீனாவைச் சேர்ந்த சைக் நிறுவனம் மற்றும் ஜெனரல் மோட்டார்ஸ் இணைந்து தங்களது புதிய தயாரிப்பான பாவ்ஜன் யெப் EV-யை சர்வதேச சந்தைகளுக்காக அறிமுகம் செய்திருக்கின்றன.
இந்த புதிய எலெக்ட்ரிக் காரானது எம்ஜி மோட்டார் மூலமாக இந்தியாவிலும் அறிமுகமாகவிருக்கிறது.
எம்ஜி மோட்டார்ஸின் காமெட் EV தயாரான அதே குளோபல் ஸ்மால் எலெக்ட்ரிக் வெஹிக்கிள் பிளாட்ஃபார்மிலேயே தான் இந்த புதிய காம்பேக்ட் EV-யையும் உருவாக்கியிருக்கிறார்கள்.
மூன்று டோர்களுடன், காமெட் EV-யில் பயன்படுத்தப்பட்ட அதே கட்டுமானங்களுடன் புதிய டிசைனைக் கொண்டிருக்கிறது இந்த புதிய பாவ்ஜன் யெப் எலெக்ட்ரிக் கார்.
இந்த எலெக்ட்ரிக் காரையும் நகர வாடிக்கையாளர்களை மையப்படுத்தியே உருவாக்கியிருக்கின்றன ஜெனரல் மோட்டாரும், சைக் மோட்டாரும்.
எம்ஜி மோட்டார்
பாவ்ஜென் யெப் EV:
பாக்ஸியான டிசைனுடன் குட்டியாக க்யூட்டாக இருக்கிறது பாவ்ஜன் யெப். பின்பக்க இருக்கையில் இருப்பவர்களுக்கும் கார் வாட்ச் வசதியை இந்த பாவ்ஜன் யெப்பில் வழங்கியிருக்கின்றனர்.
மேம்படுத்தப்பட்ட கனெக்டிவிட்டி ஆப்ஷன்களுடன் கூடிய இரண்டு 10.25 இன்ச் ஸ்கிரீன் செட்டப் அளிக்கப்பட்டிருக்கிறது. பாதுகாப்பிற்காக பல ஏர்பேக்குகள் மற்றும் ADAS வசதிகளுடன் இந்த பாவ்ஜன் அறிமுகப்படுத்தப்பட்டிருக்கிறது.
இந்த பாவ்ஜன் யெப் EV-யில் 67hp பவர் மற்றும் 140Nm டார்க்கை உற்பத்தி செய்யக்கூடிய எலெக்ட்ரிக் மோட்டாரும், 28.1kWh பேட்டரியும் பயன்படுத்தப்பட்டிருக்கிறது. மேலும், இந்த EV-யானது 303 கிமீ வரை ரேஞ்சைக் கொண்டிருக்கிறது.
இந்த EV-யின் அடிப்படை மாடலானது இந்திய மதிப்பில் ரூ.9.3 லட்சம் விலையிலும், டீலக்ஸ் மாடலானது ரூ.10.45 லட்சம் விலையிலும் அறிமுகப்படுத்தப்பட்டிருக்கிறது.