வீடியோ: கப்பல் மோதியதால் சரிந்து விழுந்த அமெரிக்காவின் பிரமாண்ட பாலம்
அமெரிக்காவின் பால்டிமோர் நகரில் உள்ள பிரான்சிஸ் ஸ்காட் கீ பாலம் மீது கப்பல் மோதியதால் அது இடிந்து விழுந்ததாக மேரிலாந்து போக்குவரத்து ஆணையம்(MTA) இன்று அதிகாலை தெரிவித்துள்ளது. "கப்பல் மோதியதால் I-695 விசைப் பாலம் இடிந்து விழுந்தது" என்று MTA ட்விட்டரில் தெரிவித்துள்ளது. எனவே, படாப்ஸ்கோ ஆற்றின் வழியாக செல்லும் பாதையைத் தவிர்க்குமாறு ஓட்டுநர்களிடம் MTA கோரிக்கை விடுத்துள்ளது. இந்த விபத்தினால், பல வாகனங்களும் தனி நபர்களும் தண்ணீருக்குள் வீழுந்திருக்கலாம் என்று அஞ்சப்படுகிறது. இது குறித்து மேலும் தகவல்கள் எதுவும் வெளியிடப்படவில்லை. இந்த சம்பவத்தின் போது பதிவான வீடியோ வெளியாகி வைரலாகி வருகிறது. நிறைய பேர் தண்ணீருக்குள் சிக்கி இருப்பதால், அதிகமான உயிரிழப்புகள் ஏற்படக்கூடும் என்றும் அஞ்சப்படுகிறது.