தாக்குதல் நடத்தியவர் டொனால்ட் டிரம்பிற்கு அருகே சென்றது எப்படி?
அமெரிக்காவின் பென்சில்வேனியாவில் கடந்த சனிக்கிழமை நடைபெற்ற பேரணியின் போது டொனால்ட் டிரம்ப் மீது துப்பாக்கி தாக்குதல் நடத்தப்ட்டது. இந்த தாக்குதலில் டொனால்ட் டிரம்பின் வலது காதை துப்பாக்கி குண்டு துளைத்தது இந்நிலையில், AR-ஸ்டைல் துப்பாக்கியை ஏந்திய ஒரு துப்பாக்கிதாரி டொனால்ட் டிரம்ப் இருக்கும் இடம் வரை எப்படி நெருங்கிச் சென்றார் என்பதை அமெரிக்க ரகசிய சேவை விசாரித்து வருகிறது. அமெரிக்க முன்னாள் அதிபர் டொனால்ட் டிரம்ப் மீதான படுகொலை முயற்சியை விசாரிக்கும் பெடரல் பீரோ ஆஃப் இன்வெஸ்டிகேஷன்(FBI), இந்த தாக்குதலை "உள்நாட்டு பயங்கரவாதம்" என்று குறிப்பிட்டுள்ளது. டிரம்ப் மீது தாக்குதல் நடத்திய தாமஸ் மேத்யூ க்ரூக்ஸ்(20) ஒரு முதியோர் இல்லத்தில் பணிபுரிந்து வந்தவர் ஆவார்.
வீடியோக்கள், புகைப்படங்கள் மற்றும் செயற்கைக்கோள் படங்கள்
தேர்தல் பேரணி நடந்த இடத்திற்கு அருகில் இருந்த கூரையில் நின்று கொண்டு டொனால்ட் டிரம்பை 8 முறை துப்பாக்கியால் சுட்ட குரூக்ஸ், ரகசிய சேவை ஸ்னைப்பர்களால் சுட்டு வீழ்த்தப்பட்டார். டிரம்ப் பேரணியில் எடுக்கப்பட்ட வீடியோக்கள், புகைப்படங்கள் மற்றும் தளத்தின் செயற்கைக்கோள் படங்கள் ஆகியவற்றை அசோசியேட்டட் பிரஸ் பகுப்பாய்வு செய்தது முன்னாள் அதிபர் நின்று கொண்டிருந்த மேடைக்கு அருகே உள்ள கட்டிடத்திற்கு துப்பாக்கிச் சூடு நடத்தியவர் எப்படி நெருங்கினார் என்பதை அவை காட்டுகின்றன. டிரம்பின் பேரணி நடைபெற்ற பட்லர் ஃபார்ம் ஷோ மைதானத்திற்கு வடக்கே ஒரு உற்பத்தி ஆலையின் கூரையில் சாம்பல் நிற உருமறைப்பு அணிந்த ஒரு மனிதனின் உடல் அசைவில்லாமல் கிடப்பதை சமூக ஊடகங்களில் வெளியிடப்பட்ட ஒரு வீடியோ காட்டுகிறது.