அமெரிக்கா செல்ல விரும்பும் இந்திய மாணவர்கள் விசா பற்றிய அறிவிப்பு!
செய்தி முன்னோட்டம்
அமெரிக்கா சென்று மேற்படிப்பு படிக்க விரும்பும் இந்திய மாணவர்களுக்கான விசா பற்றிய தகவலை அமெரிக்க தூதர் எரிக் கார்செட்டி வெளியிட்டுள்ளார்.
மே 15, 2023 அன்று வெளியான இந்த அறிவிப்பில், மாணவர் விசாக்களுக்கான நியமனங்களை அடுத்த 2 வாரங்களில் அமெரிக்க அரசாங்கம் வெளியிடும் என்று கூறியுள்ளார்.
இந்தியா முழுவதும் உள்ள அமெரிக்க துணைத் தூதரகங்கள் மே 16 ஆம் தேதி அமெரிக்க மாணவர் விசா 2023க்கான செயல்முறையைத் தொடங்கின.
மாணவர் விசாக்கள் எப்போதும் இல்லாத அளவுக்கு அதிகரித்துள்ள நிலையில், டெல்லி & ஹைதராபாத்தில் உள்ள அமெரிக்கத் தூதரகங்களில் உள்ள இடங்கள் முக்கால்வாசி நிரப்பப்பட்டன.
மும்பை, கொல்கத்தா மற்றும் சென்னை போன்ற மூன்று அமெரிக்க தூதரகங்களில் உள்ள நிரப்பட்ட இடங்களின் எண்ணிக்கை குறைவாகவே உள்ளது.
Students Visa
அமெரிக்க அரசாங்கம்
மேலும், மாணவர்களுக்கு மட்டுமல்ல, முதல்முறை வருகை தருபவர்களுக்கும் விசா வழங்கும் நேரத்தைக் குறைக்குமாறு ஜனாதிபதி என்னிடம் கூறினார் என்று கார்செட்டி கூறியுள்ளார்.
2022 டிசம்பருடன் ஒப்பிடும்போது மாணவர்களுக்கான காத்திருப்பு நேரம் ஏற்கனவே 60 சதவிகிதம் குறைக்கப்பட்டுள்ளது.
அமெரிக்க அரசாங்கம் ஏப்ரல் 2023 இல் இந்திய மாணவர்களுக்கான நியமனங்களை 30 சதவிகிதம் அதிகரிக்கச் செய்யும் என்று தெரிவித்திருந்தது.
வெளிநாடுகளுக்கு குறிப்பாக அமெரிக்காவிற்கு மாணவர்களை அனுப்பும் முன்னணி நாடுகளில் ஒன்றாக இந்தியா மாறியுள்ளது.
2022 ஆம் ஆண்டில், அமெரிக்க தூதரகம் இந்தியர்களுக்கு 1.25 லட்சம் மாணவர் விசாக்களை வழங்கி சாதனை படைத்துள்ளது. இந்த ஆண்டு புதிய சாதனையை படைக்க அமெரிக்கா திட்டமிட்டுள்ளது.