காசா போருக்கு மத்தியில் ரம்ஜான் பண்டிகை வர இருப்பதால் ஜெருசலேமில் பதற்றம்
செய்தி முன்னோட்டம்
இஸ்ரேல்-ஹமாஸ் போர் நடந்து வரும் நிலையில், இன்னும் சில நாட்களில் ரம்ஜான் வர உள்ளதால், இஸ்லாமியர்களுக்கும் யூதர்களுக்கும் பொதுவான புனித தலமாக இருக்கும் அல்-அக்ஸா மசூதி குறித்த கவலைகள் எழுந்துள்ளது. மேலும் , இதனால் புனித நகரமான ஜெருசலேமில் மீண்டும் பதற்றம் ஏற்பட்டுள்ளது.
கடந்த காலங்களில் பல மோதல்கள் அந்த மசூதியில் நடந்திருக்கிறது. எனவே, ஜெருசலேம் தற்போது பதட்டத்தோடு காணப்படுகிறது.
இந்த மசூதியை தற்போது ஜோர்டான் நிர்வகித்து வந்தாலும், அந்த மசூதிக்கான பாதுகாப்பு பொறுப்பு முழுவதும் இஸ்ரேலிடம் உள்ளது.
அந்த மசூதியை மேற்பார்வையிடும் ஜோர்டானால் நியமிக்கப்பட்ட இஸ்லாமிய அமைப்பின் தலைவரான அஸ்ஸாம் அல்-காதிப், ரம்ஜான் காலத்தில் வழிபடுபவர்கள் மீது எந்தவொரு கட்டுப்பாடு விதிக்கப்பட்டாலும் அது வன்முறையைத் தூண்டும் என்று கூறினார்.
இஸ்ரேல்
இஸ்ரேலுக்கும் ஹமாஸுக்கும் இடையே கத்தார் மத்தியஸ்த பேச்சுவார்த்தை
ரம்ஜான் காலத்தில் ஒரு போர்நிறுத்தம் செய்ய அழுத்தம் கொடுக்க்கப்பட்டு வரும் நிலையில், இந்த தகவல் வெளியாகியுள்ளது.
இதற்காக இஸ்ரேலுக்கும் ஹமாஸுக்கும் இடையே கத்தார் மத்தியஸ்த பேச்சுவார்த்தை நடத்தி வருகிறது என்பதும் குறிப்பிடத்தக்கது.
அந்த மசூதியை டெம்பிள் மவுண்ட் என்று குறிப்பிடும் யூதர்கள், அங்குள்ள மேற்கு சுவரில் வழிபடுவதை வழக்கமாக கொண்டுள்ளார்கள்.
மறுபக்கம், அந்த மசூதியை நோபல் சரணாலயம் என்று அழைக்கும் இஸ்லாமியர்கள், அந்த இடத்தில் இருந்து முஹம்மது நபி சொர்க்கத்திற்கு ஏறியதாக நம்புகிறார்கள்.
இந்த புனித தலத்திற்கு உரிமைகோரி இரு தரப்பினரும் கடந்த காலங்களில் போட்டியிட்டு வந்ததால், இஸ்ரேலிய-பாலஸ்தீனிய வன்முறையை அதிகரிக்க இந்த மசூதி ஒரு காரணமாக இருந்தது.