அமெரிக்கா, ஜெர்மனி மற்றும் ஸ்வீடனை சேர்ந்த 3 விஞ்ஞானிகளுக்கு இயற்பியலுக்கான நோபல் பரிசு
செய்தி முன்னோட்டம்
பொருளின் எலக்ட்ரான் இயக்கவியல் தொடர்பான ஆய்வை மேற்கொண்டதற்காக அமெரிக்கா, ஜெர்மனி மற்றும் ஸ்வீடனை சேர்ந்த பியர் அகோஸ்டினி, ஃபெரெங்க் க்ரவ்ஸ் மற்றும் ஆனி எல்'ஹுல்லியர் ஆகியோருக்கு இயற்பியலுக்கான நோபல் பரிசு வழங்கப்பட்டுள்ளது.
2023ஆம் ஆண்டுக்கான நோபல் பரிசுகள், ஸ்வீடன் தலைநகர் ஸ்டோக்ஹோமில் இருந்து அறிவிக்கப்பட்டு வரும் நிலையில், நோபல் பரிசை தீர்மானிக்கும் நடுவர் குழு இன்று இயற்பியலுக்கான நோபல் பரிசை அறிவித்தது.
இந்த வாரம் வழங்கப்படும் இரண்டாவது நோபல் பரிசு இதுவாகும். நேற்று கொரோனா தடுப்பூசியை கண்டுபிடிப்பதற்கு வழிவகுத்த இருவருக்கு மருத்துவத்துக்கான நோபல் பரிசு வழங்கப்பட்டது.
பொருளின் எலக்ட்ரான் இயக்கவியல் ஆய்வுக்காக ஒளியின் அட்டோசெகண்ட் துடிப்புகளை உருவாக்கும் சோதனை முறைகளை மேற்கொண்ட மூவருக்கு இயற்பியலுக்கான நோபல் பரிசு இன்று அறிவிக்கப்பட்டுள்ளது.
சிக்ஸஜ்
நோபல் பரிசுகளை பற்றி தெரிந்துகொள்ளுங்கள்
டைனமைட் கண்டுபிடிப்பாளரும் தொழிலதிபருமான ஆல்ஃபிரட் நோபலின் விருப்பத்தின் பேரில் நோபல் பரிசு உருவாக்கப்பட்டது.
அறிவியல், இலக்கியம் மற்றும் அமைதிக்கான நோபல் பரிசுகள் 1901ஆம் ஆண்டு முதல் வழங்கப்பட்டு வருகின்றன.
சுமார் 1 மில்லியன் அமெரிக்க டாலர்கள்(83.19 கோடி ரூபாய்) மதிப்புள்ள நோபல் பரிசு, ராயல் ஸ்வீடிஷ் அகாடமி ஆஃப் சயின்ஸால் ஒவ்வொரு ஆண்டும் வழங்கப்பட்டு வருகிறது.
அமைதிக்காக வழங்கப்படும் நோபல் பரிசுகள் சில நேரம் சர்ச்சையாக பேசப்பட்டாலும், இயற்பியலுக்கான நோபல் பரிசுகள் பெரும் மதிப்புடன் வரவேற்கப்படுகின்றன.
ஆல்பர்ட் ஐன்ஸ்டீன் போன்ற பெரும் விஞ்ஞானிகளுக்கு இயற்பியலுக்கான நோபல் பரிசு இதற்கு முன் வழங்கப்பட்டிருக்கிறது என்பது குறிப்பிடத்தக்கது.