கொரோனா தடுப்பூசியை கண்டுபிடிப்பதற்கு வழிவகுத்த இருவருக்கு மருத்துவத்துக்கான நோபல் பரிசு
செய்தி முன்னோட்டம்
கொரோனா தடுப்பூசிகளை கண்டுபிடிக்க வழிவகுத்தற்காக காடலின் கரிகோ மற்றும் ட்ரூ வெய்ஸ்மேன் என்ற இருவருக்கு இன்று(அக். 2) நோபல் மருத்துவப் பரிசு வழங்கப்பட்டுள்ளது.
கோவிட்-19 தடுப்பூசிகளை கண்டுபிடிக்க வழிவகுத்த மெசஞ்சர் ஆர்என்ஏ(mRNA) தொழில்நுட்பத்தில் பணிபுரிந்ததற்காக அவர்களுக்கு நோபல் பரிசு கிடைத்துள்ளது.
மனித நலனுக்கு ஏற்பட்ட மிகப்பெரிய அச்சுறுத்தலை சமாளிக்க அவர்களது கண்டுபிடிப்பு பங்களித்ததாக நோபல் மருத்துவப் பரிசை அவர்கள் இருவருக்கும் பரிந்துரைத்த நடுவர்கள் கூறியுள்ளனர்.
காடலின் கரிகோ மற்றும் ட்ரூ வெய்ஸ்மேன் ஆகிய இருவரின் மெசஞ்சர் ஆர்என்ஏ(mRNA) கண்டுபிடிப்புகள் 2005ஆம் ஆண்டிற்கு முந்தையது என்றாலும், mRNA தொழில்நுட்பத்தைப் பயன்படுத்திய முதல் தடுப்பூசிகள் கொரோனா தடுப்பூசிகளே ஆகும்.
ட்னவ்க்ள்
mRNA தொழில்நுட்பத்தின் தாக்கம்
Pfizer/BioNTech மற்றும் Modernaஆல் தயாரிக்கப்பட்ட கொரோனா தடுப்பூசிகள் mRNA தொழில்நுட்பத்தை பயன்படுத்தி இருந்தன.
முக்கியமாக இதனால் தான் கொரோனா தொற்றுநோயை கட்டுப்படுத்த முடிந்தது.
இன்று நோபல் பரிசு வென்றவர்களில் ஒருவரான காடலின் கரிகோ, ஹங்கேரி நாட்டை சேர்ந்தவர் ஆவார். ட்ரூ வெய்ஸ்மேன், அமெரிக்காவை சேர்ந்தவர்.
அவர்கள் இருவரும் பென்சில்வேனியா பல்கலைக்கழகத்தில் நீண்டகாலமாக சக ஊழியர்களாக பணிபுரிந்து வருகின்றனர்.
அவர்களது கண்டுபிடிப்புக்காக 2021ஆம் ஆண்டில் மதிப்புமிக்க லாஸ்கர் விருதும் வழங்கப்பட்டது.
அதற்கு முன்பும் ஆர்என்ஏ(mRNA) தொழில்நுட்பத்தில் பணிபுரிந்ததற்காக அவர்களுக்கு பல விருதுகள் வழங்கப்பட்டிருக்கின்றன.
கொரோனா தடுப்பூசிகளின் வெற்றிக்கு பிறகு, அவர்களது mRNA தொழில்நுட்பத்தை பயன்படுத்தி புற்றுநோய், காய்ச்சல் மற்றும் இதய செயலிழப்பு போன்ற நோய்களுக்கும் தீர்வு காண தற்போது முயற்சிகள் எடுக்கப்பட்டு வருகின்றன.