அமெரிக்காவில் கனமழை: 2,600க்கும் மேற்பட்ட விமானங்கள் ரத்து
செய்தி முன்னோட்டம்
இடியுடன் கூடிய கனமழை காரணமாக ஞாயிற்றுக்கிழமை(ஜூலை 16) அமெரிக்கா முழுவதும் 2,600க்கும் மேற்பட்ட விமானங்கள் ரத்து செய்யப்பட்டன.
மேலும், கிட்டத்தட்ட 8,000 விமானங்கள் தாமதமாகியது என்று செய்திகள் வெளியாகி உள்ளன.
இந்த விமான போக்குவரத்து பாதிப்புகள் பெரும்பாலும் வடகிழக்கு பிராந்தியங்களில் பதிவாகியுள்ளதாக அமெரிக்காவின் ஃபெடரல் ஏவியேஷன் அட்மினிஸ்ட்ரேஷன்(FAA) தெரிவித்துள்ளது.
நியூ ஜெர்சியின் நெவார்க் லிபர்ட்டி சர்வதேச விமான நிலையத்திலிருந்து மட்டும் 350 விமானங்கள் ரத்து செய்யப்பட்டன.
கடுமையான வானிலை காரணமாக ஜான் எஃப் கென்னடி விமான நிலையம் மற்றும் லா கார்டியன் விமான நிலையங்களில் தரை இறங்குவது பாதிக்கப்பட்டது.
கிக்
பல மாநிலங்களில் கனமழை மற்றும் வெள்ளப்பெருக்கு ஏற்பட்டுள்ளது
பயணிகள் விமான நிலையத்திற்கு செல்லும் முன், வானிலை மற்றும் விமான நேரத்தை சரிபார்க்குமாறு விமான நிறுவனங்கள் ட்விட்டரில் அறிவுறுத்தின.
ஜான் எஃப் கென்னடி விமான நிலையத்தில் 318 விமானங்கள் ரத்து செய்யப்பட்டன, 426 விமானங்கள் தாமதமாக்கப்பட்டன.
லா கார்டியாவில் 270 விமானங்கள் ரத்து செய்யப்பட்டன, 292 விமானங்கள் தாமதமாக்கப்பட்டன.
பாஸ்டன் லோகன் சர்வதேச விமான நிலையத்தில் 259 விமானங்கள் ரத்து செய்யப்பட்டன, 459 விமானங்கள் தாமதமானது என்று FlightAware கூறியுள்ளது.
வடகிழக்கு அமெரிக்காவின் பல மாநிலங்களில் கனமழை மற்றும் வெள்ளப்பெருக்கு ஏற்பட்டுள்ளது.
நியூயார்க், நியூ ஜெர்சி, கனெக்டிகட், பென்சில்வேனியா, மாசசூசெட்ஸ் மற்றும் வெர்மான்ட்டின் சில பகுதிகளுக்கு வெள்ள எச்சரிக்கை விடுக்கப்பட்டுள்ளது.