நியூசிலாந்து பிரதமர் திடீர் பதவி விலகல்
நியூசிலாந்து பிரதமர் ஜெசிந்தா ஆர்டெர்ன் அடுத்த மாதம் பதவி விலகப் போவதாக திடீர் அறிவிப்பை வெளியிட்டுள்ளார். 2017 இல் ஒரு கூட்டணி அரசாங்கத்தில் பிரதமரான ஆர்டெர்ன், மூன்று ஆண்டுகளுக்குப் பிறகு நடந்த தேர்தலில் தனது மத்திய-இடது தொழிலாளர் கட்சியை ஒரு பெரும் வெற்றிக்கு இட்டுச் சென்றார், அவரது கட்சி மற்றும் அவரது தனிப்பட்ட புகழ் தற்போது வீழ்ச்சியடைந்துள்ளதாக சமீபத்திய கருத்துக் கணிப்புகள் கூறுகின்றன. "ஜெசிந்தா ஆர்டெர்ன் இந்த ஆண்டு மீண்டும் தேர்தலில் போட்டியிடப் போவதில்லை என்றும், பிரதம மந்திரியாக தனது கடைசி நாள் பிப்ரவரி 7 என்றும் கூறி இருக்கிறார். 2023 பொதுத் தேர்தல் அக்டோபர் 14 அன்று நடைபெற இருக்கிறது" என்று நியூசிலாந்தின் செய்தி நிறுவனம் RNZ ட்வீட் செய்ததுள்ளது.
மனிதராக இருப்பதால் பதவி விலகுகிறேன்: ஜெசிந்தா ஆர்டெர்ன்
பிரதம மந்திரியின் வேலை என்னவென்று தனக்குத் தெரியும் என்றும், இந்த பதவிக்கு "நீதியைச் செய்வதற்கு தன்னிடம் இனி போதுமான சக்தி இல்லை" என்று நம்புவதாகவும் ஆர்டெர்ன் கூறியுள்ளார். மேலும், அவர் "ஆனால் அதைச் சிறப்பாக செய்யக்கூடிய சக ஊழியர்கள் இருக்கிறார்கள்" என்று தெரிவித்திருக்கிறார். தனது அரசாங்கம் நிறைய சாதித்துள்ளதாகவும், அடுத்த தேர்தலில் தொழிற்கட்சி நிச்சயம் வெற்றிபெறும் என்றும் அவர் கூறியுள்ளார். ஊடகங்களிடம் பேசிய ஆர்டெர்ன், அவர் ஏன் ராஜினாமா செய்ய விரும்பினார் என்பதற்கு "உண்மையான காரணம்" எதுவும் இல்லை என்றும் அவர் மனிதராக இருப்பது தான் அதற்கு காரணம் என்றும் கூறி இருக்கிறார். ஆர்டெர்னின் தொழிலாளர் கட்சி சனிக்கிழமையன்று காக்கஸ் வாக்கெடுப்புடன் அடுத்த தலைவரை தேர்ந்தெடுக்கிறது.
