7,000 அறியப்படாத தீவுகளைக் கண்டுபிடித்த ஜப்பான்
செய்தி முன்னோட்டம்
ஜப்பானில் 1987ஆம் ஆண்டு நடைபெற்ற முதல் ஆய்வுக்குப் பிறகு கிட்டத்தட்ட 7,000 அறியப்படாத தீவுகள் கண்டுபிடிக்கப்பட்டுள்ளது என்ற அறிக்கை வெளியாகி உள்ளது.
1987 ஆம் ஆண்டில் கணக்கிடப்பட்ட அதிகாரப்பூர்வ தீவுகளின் மொத்த எண்ணிக்கை 6,852 ஆகும். தற்போதுள்ள எண்ணிக்கை அதைவிட இரட்டிப்பாக உள்ளது. அதாவது 14,125 ஆக அதிகரித்துள்ளது.
2021ஆம் ஆண்டு இதைப்பற்றி ஜப்பான் பாராளுமன்றத்தில் ஒரு வாக்குவாதம் ஏற்பட்டது. நிறைய உறுப்பினர்கள் பழைய எண்ணிக்கை தவறாக இருக்கலாம் என்று வாதிட்டனர்.
"தீவுகளின் எண்ணிக்கையைப் பற்றிய துல்லியமான விவரம் தேசிய நலனுடன் தொடர்புடைய ஒரு முக்கியமான விஷயமாகும்" என்று ஒரு லிபரல் டெமாக்ராட் சட்டமன்ற உறுப்பினர் அந்த நேரத்தில் கூறினார்.
ஜப்பான்
கணினி மூலம் துல்லியமான விவரங்களை கணிக்க இருக்கும் ஜப்பான்
இதனையடுத்து, ஜப்பானின் ஜியோஸ்பேஷியல் இன்ஃபர்மேஷன் அத்தாரிட்டி மூலம் புதிய கணக்கெடுப்பு நடத்தப்பட்டது.
இந்த கணக்கெடுப்பால் நாட்டின் நிலப்பரப்பு அதிகரித்துவிடாது என்றாலும், எத்தனை தீவுகள் இருக்கிறது என்ற துல்லியம் நாட்டை வழிநடத்துவதற்கு உதவியாக இருக்கும் என்று கூறப்பட்டது.
மேலும், ஜப்பானிய அரசாங்கம், 2022இல் உருவாக்கிய ஜிஎஸ்ஐ மின்னணு நில வரைபடத்தின் அடிப்படையில் ஒரு கணினியின் உதவியுடன் தங்கள் நிலப்பரப்பின் துல்லியமான புள்ளிவிவரங்களை விரைவில் தயாரிக்கும் என்று செய்திகள் கூறுகின்றன.
ஜப்பானின் நிலப்பரப்பு சுமார் 146,000 சதுர மைல்களாகும். இது 124,840,000 மக்கள்தொகை கொண்ட உலகின் பதினொன்றாவது அதிக மக்கள்தொகை கொண்ட நாடாகும்.