காசா போலியோ தடுப்பூசிக்காக 3 நாள் போர் இடைநிறுத்தத்திற்கு இஸ்ரேல், ஹமாஸ் சம்மதம்
போரினால் பாதிக்கப்பட்ட பாலஸ்தீனப் பகுதியில் உள்ள 6,40,000 குழந்தைகளுக்கு போலியோ தடுப்பூசி போடுவதற்காக காசாவில் மூன்று நாள் சண்டையை நிறுத்த இஸ்ரேலும் ஹமாஸும் ஒப்புக்கொண்டுள்ளன. ஞாயிற்றுக்கிழமை முதல் தடுப்பூசி போடும் பணி தொடங்கும். இத்தகவலை WHO தெரிவித்துள்ளது. இஸ்ரேலின் இராணுவம் மற்றும் பாலஸ்தீனிய பயங்கரவாதக் குழுவான ஹமாஸ், காசாவில் மூன்று தனித்தனியான, மண்டலப்படுத்தப்பட்ட மூன்று நாள் இடைநிறுத்தங்களை ஒப்புக்கொண்டது. இதனால், போலியோவுக்கு எதிரான முதல் சுற்று தடுப்பூசியை 640,000 குழந்தைகளுக்கு வழங்க முடியும் என்று WHO மூத்த அதிகாரி வியாழக்கிழமை தெரிவித்தார். தடுப்பூசி பிரச்சாரம் ஞாயிற்றுக்கிழமை தொடங்க உள்ளது. இடைநிறுத்தங்கள் காலை 6 மணி முதல் பிற்பகல் 3 மணி வரை (உள்ளூர் நேரம்) நடைபெறும் என்று திட்டமிடப்பட்டுள்ளது.
காசாவில் பகுதிவாரியாக போர் இடைநிறுத்தம்
பிரச்சாரம் மத்திய காஸாவில் மூன்று தொடர்ச்சியான தினசரி இடைநிறுத்தங்களுடன் தொடங்கும் என்று WHO அதிகாரி கூறினார். பின்னர் தெற்கு காசாவுக்குச் செல்லும் இந்த மருத்துவ குழு. அங்கு மற்றொரு மூன்று நாள் இடைநிறுத்தம் இருக்கும். அதைத் தொடர்ந்து வடக்கு காசாவில் முகாமிடும். தேவைப்பட்டால் ஒவ்வொரு மண்டலத்திலும் இடைநிறுத்தத்தை நான்காவது நாளாக நீட்டிக்க ஒப்பந்தம் இருப்பதாக பீபர்கார்ன் கூறினார். முதல் சுற்று தடுப்பூசிக்கு பிறகு நான்கு வாரங்களுக்குப் பிறகு இரண்டாவது சுற்று தடுப்பூசி தேவைப்படும் என்று பீபர்கார்ன் கூறினார். "சர்வதேச அளவில் போலியோ பரவுவதைத் தடுக்கவும் பிரச்சாரத்தின் ஒவ்வொரு சுற்றுக்கும் குறைந்தபட்சம் 90 சதவிகித பாதுகாப்பு தேவைப்படுகிறது" என்று ரியான் கூறினார்.
