அமெரிக்காவின் அயோவா மாகாண பள்ளியில் துப்பாக்கிச் சூடு: ஒருவர் பலி, 5 பேர் படுகாயம்
செய்தி முன்னோட்டம்
அமெரிக்காவின் அயோவா மாகாணத்தில் பெர்ரி உயர்நிலைப் பள்ளியில் நடைபெற்ற துப்பாக்கிச் சூட்டில், ஆறாம் வகுப்பு மாணவன் கொல்லப்பட்ட நிலையில் 5 பேர் படுகாயமடைந்தனர்.
துப்பாக்கி சூட்டில் காயம்பட்டவர்களில் நான்கு பேரின் உயிருக்கு பாதிப்பு இல்லை என்றாலும், ஒருவர் ஆபத்தான நிலையில் இருப்பதாக கூறப்படுகிறது.
காயம்பட்டவர்களில் நான்கு பேர் குழந்தைகள் மற்றும் ஒருவர் பள்ளி நிர்வாகி ஆவார்.
துப்பாக்கி சூடு சந்தேக நபராக, டிலான் பட்லர்,17, என்ற உயர்நிலைப் பள்ளி மாணவர் அடையாளம் காணப்பட்டுள்ளார்.
சம்பவத்திற்கு பின்னர், இவர் தன்னை தானே சுட்டுக் தற்கொலை செய்து கொண்டதாக காவல்துறையினர் தெரிவித்துள்ளனர்.
2nd card
தாக்குதலில் ஈடுபடும் முன் டிக்டாக் வீடியோ பதிவேற்றிய சந்தேக நபர்
பட்லர், சிறிய அளவிலான கை துப்பாக்கி மற்றும் பம்ப் ஆக்சன் துப்பாக்கியை தாக்குதலுக்கு வைத்திருந்ததாகவும், வெடிக்கும் பொருள் ஒன்றும் பள்ளியில் இருந்து கைப்பற்றப்பட்டதாக காவல்துறையினர் தெரிவிக்கின்றனர்.
பள்ளியில் வகுப்புகள் தொடங்குவதற்கு முன் துப்பாக்கி சூடு சம்பவம் நேர்ந்ததால், அதிகப்படியான மாணவர்கள் மற்றும் ஆசிரியர்கள் பள்ளியில் இல்லை.
துப்பாக்கி சூட்டை நடத்தும் முன் பட்லர், பள்ளியின் கழிப்பறையில் இருந்தபடி "இப்போது நாம் காத்திருக்கிறோம்" என்ற தலைப்பிடப்பட்ட வீடியோ ஒன்றை டிக் டாக்கில் பதிவேற்றி இருந்தார்.
துப்பாக்கி சூடு குறித்த தகவலை வெள்ளை மாளிகைக்கு தெரிவித்து விட்டதாக, அதிகாரிகள் வெளியுள்ளனர்.