இஸ்ரோவை கேலி செய்த பாகிஸ்தான் முன்னாள் அமைச்சர் சந்திராயன்-3 திட்டத்திற்கு பாராட்டு
செய்தி முன்னோட்டம்
பல ஆண்டுகளாக இந்திய விண்வெளி ஆராய்ச்சி நிறுவனத்தை(இஸ்ரோ) கேலி செய்து வரும் பாகிஸ்தான் முன்னாள் அமைச்சர் ஃபவாத் ஹுசைன் நேற்று(ஆகஸ்ட் 22) இந்தியாவின் மூன்றாவது சந்திர விண்கலமான 'சந்திராயன் 3'-ஐ பாராட்டினார்.
இது மனித குலத்தின் வரலாற்றில் ஒரு முக்கியமான தருணம் என்று கூறிய அவர், சந்திரயான்-3 இன்று நிலவில் தரையிறங்குவதை ஒளிபரப்புமாறு பாகிஸ்தான் ஊடகங்களிடம் கேட்டு கொண்டார்.
"பாகிஸ்தான் ஊடகங்கள் சந்திராயன் நிலவில் தரையிறங்குவதை நாளை மாலை 6:15 மணிக்கு நேரலையில் காண்பிக்க வேண்டும். இது மனித குலத்தின் வரலாற்றில் ஒரு முக்கியமான தருணம். குறிப்பாக, இந்திய மக்கள், விஞ்ஞானிகள் மற்றும் விண்வெளி சமூகத்திற்கு எனது வாழ்த்துக்கள்." என்று அவர் ட்விட்டரில் கூறியுள்ளார்.
டின்ஜக்
'இந்தியா தோற்றுவிட்டது': 4 வருடங்களுக்கு முன் இஸ்ரோவை விமர்சித்த ஃபவாத் ஹுசைன்
முன்னாள் பாகிஸ்தான் பிரதமர் இம்ரான்-கான் ஆட்சியின் போது, ஃபவாத்-ஹுசைன் அறிவியல் மற்றும் தொழில்நுட்ப அமைச்சராக இருந்தார் என்பது நினைவுகூரத்தக்கது.
இதற்கு முன்னதாக, 2019ஆம் ஆண்டு இந்தியாவின் இரண்டாவது சந்திர விண்கலமான 'சந்திராயன் 2' தோலிவியடைந்த போது, இவர் இந்தியாவையும் இஸ்ரோவையும் கடுமையாக விமர்ச்சிருந்தார்.
அப்போது, பிரதமர் நரேந்திர மோடி தலைமையிலான அரசாங்கம் இரண்டாவது சந்திர விண்கலத்திற்கு ரூ.900 கோடி செலவழித்தது குறித்து கேள்வி எழுப்பிய அவர், "தெரியாத பிரதேசத்திற்குள் செல்வது புத்திசாலித்தனம் அல்ல" என்று தெரிவித்திருந்தார்.
மேலும், 'இந்தியா தோற்றுவிட்டது' என்றும் அவர் தனது ஹாஷ்டாக்கில் கூறியிருந்தார் என்பது குறிப்பிடத்தக்கது.
2019இல் நிலவிற்கு அனுப்பப்பட்ட சந்திரயான்-2இன் விக்ரம் லேண்டர் இறுதி கட்டத்தில் தொடர்பை இழந்து தோல்வியடைந்தது.