மாணவர் விசா கட்டணத்தை இரட்டிப்பாக்கியது ஆஸ்திரேலியா
செய்தி முன்னோட்டம்
ஆஸ்திரேலிய அரசாங்கம் சர்வதேச மாணவர்களுக்கான கட்டணத்தை கணிசமாக உயர்த்தியுள்ளது. இது AUD 710($473) இலிருந்து AUD 1,600 ($1,068) ஆக இரண்டு மடங்கு உயர்த்தப்பட்டுள்ளது.
அந்தோணி அல்பானீஸ்அரசாங்கத்தின் இந்த சமீபத்திய நடவடிக்கை, ஜூலை 1 முதல் நடைமுறைக்கு வருகிறது
அதிகளவிலான குடியேற்றத்தைக் கட்டுப்படுத்துவதற்காக இந்த நடவடிக்கை எடுக்கப்பட்டுள்ளது.
ஆஸ்திரேலியாவிற்கு மிக அதிகமாக குடியேறும் இரண்டாவது பெரிய குழுவான இந்திய மாணவர்களை இந்த நடவடிக்கை பாதிக்க வாய்ப்புள்ளது.
மேலும், தற்காலிக பட்டதாரி, பார்வையாளர் மற்றும் கடல்சார் குழு விசா போன்ற தற்காலிக விசா வைத்திருப்பவர்கள், ஆஸ்திரேலியாவில் இருக்கும் போது மாணவர் விசாவிற்கு விண்ணப்பிக்க முடியாது என்று ஆஸ்திரேலியா கூறியுள்ளது.
ஆஸ்திரேலியா
உண்மையான மாணவர்களுக்கு மட்டுமே விசா வழங்கப்படுவதை உறுதி செய்ய நடவடிக்கை
எனவே, இந்த மாற்றம் தற்போது ஆஸ்திரேலியாவில் வசிக்கும் ஆயிரக்கணக்கான இந்திய மாணவர்களை பாதிக்கும்.
"இன்று நடைமுறைக்கு வரும் மாற்றங்கள் நமது சர்வதேச கல்வி முறையின் ஒருமைப்பாட்டை மீட்டெடுக்க உதவும். மேலும் இதனால் ஆஸ்திரேலியாவிற்கு ஒரு சிறந்த இடம்பெயர்வு முறையை உருவாக்க உதவும்" என்று உள்துறை மற்றும் சைபர் பாதுகாப்பு அமைச்சர் கிளேர் ஓ'நீல் கூறினார்.
ஆஸ்திரேலிய அரசாங்கத்தின் இந்த நடைமுறையானது உண்மையான மாணவர்களுக்கு மட்டுமே விசா வழங்கப்படுவதை உறுதி செய்வதை நோக்கமாகக் கொண்டுள்ளது. இதன் மூலம் நாட்டின் பொருளாதார வளர்ச்சியும் அதிகரிக்கும் என்று எதிர்பார்க்கப்படுகிறது.