சிஎஸ்கேவுக்கு எதிரான போட்டியில் ட்ரெண்ட் போல்ட் விளையாடாதது ஏன்? சஞ்சு சாம்சன் விளக்கம்
செய்தி முன்னோட்டம்
ஐபிஎல் 2023 தொடரின் 37வது ஆட்டத்தில் வியாழக்கிழமை (ஏப்ரல் 27) சென்னை சூப்பர் கிங்ஸ் (சிஎஸ்கே) அணிக்கு எதிரான போட்டியில் ராஜஸ்தான் ராயல்ஸ் (ஆர்ஆர்) அணியின் நட்சத்திர பந்துவீச்சாளர் ட்ரெண்ட் போல்ட் ஏன் பிளேயிங் 11'இல் இடம் பெறவில்லை என்ற கேள்வி எழுந்துள்ளது.
இதுவரை நடந்த போட்டிகளில் சிஎஸ்கே ஐந்து வெற்றிகளுடன் புள்ளிகள் பட்டியலில் முதலிடத்தில் உள்ளது. மறுபுறம் ஆர்ஆர் நான்கு வெற்றிகளுடன் மூன்றாவது இடத்தில் உள்ளது.
இந்த போட்டி ஆர்ஆர் அணியின் கோட்டையான ஜெய்ப்பூர் ஸ்டேடியத்தில் விளையாடப்படுகிறது.
ஆனால் ஆட்டத்திற்கு முன்னதாக, டிரென்ட் போல்ட் பிளேயிங் 11'இல் சேர்க்கப்படாதது அணிக்கு பின்னடைவாக பார்க்கப்படுகிறது.
sanju samson speaks about trent boult
டிரென்ட் போல்ட் சேர்க்கப்படாதது குறித்து பேசிய ஆர்ஆர் கேப்டன் சஞ்சு சாம்சன்
பெரும்பாலான போட்டிகளில் தனது முதல் ஓவரில் குறைந்தபட்சம் ஒரு விக்கெட்டையாவது ராஜஸ்தான் ராயல்ஸ் அணிக்காக எடுத்து சிறந்த தொடக்கத்தை வழங்கி வருகிறார்.
ஆனால் சிஎஸ்கேக்கு எதிரான ஆட்டத்தில் அவருக்கு பதிலாக ஆடம் ஜம்பா பிளேயிங் 11'இல் சேர்க்கப்பட்டுள்ளார்.
இது குறித்து சஞ்சு சாம்சன் கூறுகையில், "நாங்கள் முதலில் பேட் செய்ய விரும்புகிறோம். நாங்கள் எங்கள் வலிமையை நிலைநிறுத்த விரும்புகிறோம்.
ஆர்ஆர் அணியின் 200வது ஆட்டத்தை விளையாடுவது மிகவும் மகிழ்ச்சியாக இருக்கிறது. இந்த ஆட்டத்தை போல்ட் சிறிய காயம் காரணமாக தவற விட்டுள்ளார். ஜாம்பா அவருக்குப் பதிலாக விளையாடுகிறார்" என்று டாஸில் கூறினார்.