உலக சாதனை படைத்தார் ரோஹித் ஷர்மா: ஒருநாள் போட்டிகளில் அஃப்ரிடியின் சிக்சர் சாதனை முறியடிப்பு
செய்தி முன்னோட்டம்
இந்தியா vs தென்னாப்பிரிக்கா இடையேயான முதல் ஒருநாள் கிரிக்கெட் போட்டி ராஞ்சியில் நடைபெற்ற நிலையில், இந்திய அணியின் முன்னாள் கேப்டன் ரோஹித் ஷர்மா, பாகிஸ்தானின் ஷாஹித் அஃப்ரிடியின் சர்வதேச ஒருநாள் போட்டிகளில் அதிக சிக்ஸர்கள் அடித்த சாதனைய முறியடித்துப் புதிய உலக சாதனை படைத்துள்ளார். ஆஸ்திரேலியாவுக்கு எதிரான தொடரில் தொடர் நாயகன் விருதை வென்றிருந்த ரோஹித் ஷர்மா, தென்னாப்பிரிக்காவுக்கு எதிரான முதல் போட்டியிலும் தனது சிறப்பான ஆட்டத்தைத் தொடர்ந்தார். அஃப்ரிடியின் 351 சிக்ஸர்கள் என்ற சாதனையை முறியடிக்க அவருக்கு மூன்று சிக்ஸர்கள் தேவைப்பட்ட நிலையில், இந்த இலக்கை அவர் எளிதாக அடைந்தார்.
அதிக சிக்சர்கள்
அதிக சிக்சர்கள் அடித்த டாப் 5 வீரர்கள்
போட்டியின் 15வது ஓவரில் சுப்ராயன் பந்துவீச்சில் அடுத்தடுத்து இரண்டு சிக்ஸர்களை விளாசிய ரோஹித் ஷர்மா, 20வது ஓவரில் மார்கோ ஜான்சனுக்கு எதிராக மேலும் ஒரு சிக்ஸர் அடித்து இந்தச் சாதனையை எட்டினார். இதன் மூலம், ரோஹித் ஷர்மா முதலிடத்திற்கு முன்னேறிய நிலையில், ஷாஹித் அஃப்ரிடி 351 சிக்சர்களுடன் கிறிஸ் கெயில் 331 சிக்சர்களுடன் மூன்றாவது இடத்தில் உள்ளனர். மேலும், சனத் ஜெயசூர்யா 270 சிக்சர்களுடன் நான்காவது இடத்திலும், எம்எஸ் தோனி 229 சிக்சர்களுடன் ஐந்தாவது இடத்திலும் உள்ளனர். ஆட்டத்தின் தொடக்கத்திலேயே ஒரு ரன்னில் இருந்தபோது கேட்ச் வாய்ப்பைத் தவறவிட்ட ரோஹித், அதன் பிறகு நிலைத்து நின்று விளையாடி தனது 60வது ஒருநாள் அரைசதத்தைப் பதிவு செய்து 57 ரன்கள் எடுத்தார்.