ஐபிஎல் 2023 : ஜெய் ரிச்சர்ட்சனுக்குப் பதிலாக ரிலே மெரிடித்தை ஒப்பந்தம் செய்த மும்பை இந்தியன்ஸ்
இந்தியன் பிரீமியர் லீக் (ஐபிஎல்) 2023 சீசனில் காயமடைந்த ஜெய் ரிச்சர்ட்சனுக்குப் பதிலாக ஆஸ்திரேலிய வேகப்பந்து வீச்சாளர் ரிலே மெரிடித்தை மும்பை இந்தியன்ஸ் ஒப்பந்தம் செய்துள்ளது. மெரிடித் மும்பை இந்தியன்ஸ் அணிக்காக ரூ.1.5 கோடிக்கு ஒப்பந்தம் செய்யப்பட்டுள்ளார். கடந்த சீசனிலும் மெரிடித் மும்பை இந்தியன்ஸ் அணியால் தனது அடிப்படை விலையான ரூ.1 கோடிக்கு சேர்க்கப்பட்டிருந்தது குறிப்பிடத்தக்கது. ஆனால் கடந்த சீசனில் பெற்ற படுதோல்விக்கு பிறகு அணியில் மிகப்பெரிய சீரமைப்பை விரும்பிய மும்பை இந்தியன்ஸ், ஐபிஎல் 2023 மினி ஏலத்திற்கு முன்னதாக அவரை அணியிலிருந்து விடுத்திருந்தது குறிப்பிடத்தக்கது.
டி20 கிரிக்கெட்டில் ரிலே மெரிடித்தின் புள்ளிவிபரங்கள்
மெரிடித் ஐபிஎல் 2022 இல் மும்பை இந்தியன்ஸ் அணிக்காக 8 போட்டிகளில் விளையாடி, 29.50 என்ற சராசரியை 8 விக்கெட்டுகளை கைப்பற்றியுள்ளார். அவரது எகானமி விகிதம் 8.43 ஆக இருந்தது. அதற்கு முன், மெரிடித் ஐபிஎல் 2021 இல் பஞ்சாப் கிங்ஸ் அணிக்காக ஐந்து போட்டிகளில் விளையாடினார். அதில் அவர் 42.25 சராசரியில் 4 விக்கெட்டுகளை எடுத்திருந்தார். மொத்தம் 77 டி20 போட்டிகளில் விளையாடியுள்ள மெரிடித் 23.41 என்ற சராசரியை 100 விக்கெட்டுகளை வீழ்த்தியுள்ளார். பிபிஎல் 2022-23 இல் 14 ஆட்டங்களில் 21 விக்கெட்டுகளுடன் மெரிடித் தொடரின் கூட்டு ஐந்தாவது அதிக விக்கெட் எடுத்தவர் என்ற சிறப்பை கொண்டுள்ளார்.
இந்த காலவரிசையைப் பகிரவும்