40 வருட கபில் தேவ்-சையது கிர்மானி ஜோடியின் சாதனையை முறியடித்த நெதர்லாந்து வீரர்கள்
செய்தி முன்னோட்டம்
லக்னோவில் சனிக்கிழமை (அக்டோபர் 21) நடைபெறும் 2023 ஐசிசி கிரிக்கெட் ஒருநாள் உலகக்கோப்பையின் 19வது லீக் போட்டியில் இலங்கைக்கு எதிராக நெதர்லாந்து 262 ரன்களை குவித்தது.
இந்த போட்டியில் டாஸ் வென்று முதலில் பேட்டிங் செய்த நெதர்லாந்து 91 ரன்களுக்கு 6 விக்கெட்டுகளை இழந்து தடுமாறிய நிலையில் 7வது விக்கெட்டுக்கு சைப்ரண்ட் ஏங்கல்பிரெக்ட் மற்றும் லோகன் வான் பீக் ஆகியோர் ஜோடி சேர்ந்து அணியை மீட்டெடுத்தனர்.
சைப்ரண்ட் ஏங்கல்பிரெக்ட் 70 ரன்களும், லோகன் வான் பீக் 59 ரன்களும் எடுத்து இருவரும் அரைசதம் கடந்தனர்.
மேலும் இருவரும் 7வது விக்கெட்டுக்கு 130 ரன்கள் சேர்த்தனர். இதன் மூலம் அயர்லாந்து 49.4 ஓவர்களில் அனைத்து விக்கெட்டுகளையும் இழந்தாலும், 262 ரன்கள் சேர்த்தது.
Netherlands Players registers record in ODI World Cup
ஒருநாள் உலகக்கோப்பை வரலாற்றில் ஏழாவது விக்கெட்டுக்கு அதிக ரன்கள்
ஏங்கல்பிரெக்ட் மற்றும் வான் பீக் ஜோடி இனைந்து ஏழாவது விக்கெட்டுக்கு 130 ரன்கள் சேர்த்ததன் மூலம், இப்போது உலகக்கோப்பை வரலாற்றில் ஏழாவது அல்லது அதற்கும் கீழான விக்கெட்டுக்கான அதிகபட்ச பார்ட்னர்ஷிப்பாகும்.
முன்னதாக, 40 ஆண்டுகளுக்கு முன்பு, 1983இல் ஜிம்பாப்வேக்கு எதிராக 126 ரன்கள் சேர்த்த இந்தியாவின் கபில்தேவ் மற்றும் சையத் கிர்மானி ஆகியோர் இந்த சாதனையை தங்கள் வசம் வைத்திருந்தனர்.
இதற்கிடையே, உலகக்கோப்பை வரலாற்றில் ஒட்டுமொத்தமாக, நெதர்லாந்து ஜோடி ஏழாவது விக்கெட்டுக்கு அல்லது அதற்கு கீழே சதத்தை சேர்த்த ஏழாவது ஜோடி ஆனது.
மேலும் ஏங்கல்பிரெக்ட் 81 பந்துகளில் 4 பவுண்டரிகள் மற்றும் ஒரு சிக்சருடன் 70 ரன்கள் எடுத்ததன் மூலம், ஒருநாள் உலகக்கோப்பையில் தனது முதல் அரைசதத்தை பூர்த்தி செய்தார்.