"என் அம்மா என் ஹீரோ" : இந்திய கால்பந்து அணி வீராங்கனை சந்தியா நெகிழ்ச்சி
ஒரு குழந்தையின் தாயுடனான பிணைப்பு என்பது பிறப்பதற்கு முன்பே தொடங்குகிறது. இதைப் போற்றும் வகையில், இந்தியாவின் மகளிர் தேசிய கால்பந்து அணியின் ஸ்ட்ரைக்கரான சந்தியா ரங்கநாதன், தனது தாயாருக்காக ட்விட்டரில் இதயப்பூர்வமான குறிப்பைப் பகிர்ந்துள்ளார். அந்த குறிப்பில், தனது தாயே தனது ஹீரோ என்று குறிப்பிட்டு, தாயுடன் இருக்கும் புகைப்படத்தையும் அதில் பகிர்ந்துள்ளார். தந்தை இல்லாத நிலையிலும், தனது தாய் இரண்டு மகள்கள் இருவருக்கும் சிறந்த வாழ்க்கை கிடைப்பதை உறுதி செய்துள்ளார் என அதில் நெகிழ்ச்சியுடன் தெரிவித்துள்ளார். "இன்று நான் இருப்பதற்கு அவர் தான் காரணம். நான் நாட்டுக்காக விளையாடுவதைப் பார்ப்பதில் அவருக்கு மகிழ்ச்சி. என் அம்மா, என் ஹீரோ" என்று சந்தியா ரங்கநாதன் மேலும் குறிப்பிட்டுள்ளார்.
