12 ஆண்டுகளுக்கு பிறகு மான்செஸ்டர் யுனைடெட் அணியிலிருந்து வெளியேறும் பிரபல கால்பந்து வீரர்!
மான்செஸ்டர் யுனைடெட் வீரர் பில் ஜோன்ஸ் 12 ஆண்டுகளுக்குப் பிறகு அந்த கால்பந்து கிளப்பை விட்டு வெளியேறுகிறார். கிளப் நிர்வாகம் வெள்ளிக்கிழமை (மே 19) இதை உறுதிப்படுத்தியது. இந்த சீசனின் முடிவில் ஒப்பந்தம் முடிவடைந்த பிறகு ஜோன்ஸ் வெளியேறுவார். பிளாக்பர்ன் ரோவர்ஸிலிருந்து 2011 ஆம் ஆண்டு மான்செஸ்டர் யுனைடெட் அணியில் மிடில் டிஃபென்டராக பில் ஜோன்ஸ் சேர்ந்தார். அவர் மான்செஸ்டர் யுனைடெட் அணிக்காக 229 போட்டிகளில் விளையாடி அணிக்காக ஆறு கோல்களை அடித்துள்ளார். மேலும் இங்கிலாந்துக்காக 27 முறை விளையாடியுள்ளார். 31 வயதான ஜோன்ஸ் தனது எதிர்காலம் குறித்து முடிவெடுக்கவில்லை என்று தெரிவித்துள்ளதோடு, இதுவரை ஆதரவளித்த ரசிகர்களுக்கு நன்றி தெரிவித்து சமூக வலைதளத்தில் பதிவிட்டுள்ளார்.