மாட்ரிட் ஸ்பெயின் மாஸ்டர்ஸ் காலிறுதியில் இந்திய வீரர் கிடாம்பி ஸ்ரீகாந்த் அதிர்ச்சித் தோல்வி
மாட்ரிட் ஸ்பெயின் மாஸ்டர்ஸ் சூப்பர் 300 போட்டியில் ஆடவர் ஒற்றையர் பிரிவில் இந்தியாவின் கிடாம்பி ஸ்ரீகாந்த் காலிறுதியில் தோல்வியடைந்தார். ஜப்பானின் கென்டா நிஷிமோட்டோவிடம் 18-21, 15-21 என்ற நேர் செட்களில் ஸ்ரீகாந்த் தோல்வி அடைந்தார். நிஷிமோட்டோவிடம் ஸ்ரீகாந்த் பெற்ற 3வது தோல்வி இதுவாகும். கடந்த ஆண்டு உலக சாம்பியன்ஷிப் வெள்ளி வென்ற ஸ்ரீகாந்த், ஆல்-இங்கிலாந்து ஓபன் உட்பட தனது முந்தைய 5 போட்டிகளிலும் காலிறுதிக்கு முந்தைய சுற்றுகளிலேயே வெளியேறிய நிலையில், 2023 இல் சுற்றுப்பயணத்தில் முதல் முறையாக கால் இறுதிக்கு வந்தார். இருப்பினும், வெள்ளிக்கிழமை (மார்ச் 31) நிஷிமோட்டோவிடம் தோற்று வெளியேறினார். இதற்கிடையே பி.வி.சிந்து, பெண்கள் ஒற்றையர் பிரிவு காலிறுதிப் போட்டியில் டென்மார்க்கின் மியா பிளிச்ஃபெல்ட்டை எதிர்கொள்கிறார்.
