நியூசிலாந்துக்கு எதிரான இந்திய டெஸ்ட் அணியில் மாற்றம்: குல்தீப் யாதவ் விடுவிப்பு; குர்னூர் பிரார் சேர்ப்பு
செய்தி முன்னோட்டம்
நியூசிலாந்து அணிக்கு எதிரான இரண்டு போட்டிகள் கொண்ட டெஸ்ட் தொடருக்கான இந்திய அணியில் பிசிசிஐ அதிரடி மாற்றத்தைச் செய்துள்ளது. நடப்பு ஒருநாள் தொடரில் அபாரமாகப் பந்துவீசி முத்திரை பதித்து வரும் வேகப்பந்துவீச்சாளர் குர்னூர் பிரார் டெஸ்ட் அணியில் சேர்க்கப்பட்டுள்ள நிலையில், சுழற்பந்துவீச்சாளர் குல்தீப் யாதவ் உள்ளூர் கிரிக்கெட் போட்டிகளில் விளையாடுவதற்காக அணியிலிருந்து விடுவிக்கப்பட்டு நாடு திரும்புகிறார். வரும் நவம்பர் 19-ஆம் தேதி வெல்லிங்டனில் முதல் டெஸ்ட் போட்டி தொடங்கவுள்ள நிலையில், வேகப்பந்துவீச்சுக்குச் சாதகமான நியூசிலாந்து ஆடுகளங்களைக் கருத்தில் கொண்டு இந்த முடிவு எடுக்கப்பட்டுள்ளது.
குல்தீப் யாதவ் விலகல்
குர்னூர் பிராருக்குக் கிடைத்த அங்கீகாரம்
நியூசிலாந்துக்கு எதிரான ஒருநாள் தொடரில் 3 போட்டிகளில் 9 விக்கெட்டுகளை வீழ்த்தி அசத்திய 26 வயது வேகப்பந்துவீச்சாளர் குர்னூர் பிரார், இரண்டாவது முறையாக இந்திய டெஸ்ட் அணிக்குத் தேர்வு செய்யப்பட்டுள்ளார்.
வெல்லிங்டனில் 4/30 எனச் சிறப்பாகப் பந்துவீசிய அவர், டெஸ்ட் தொடருக்காக நாளை (நவ. 15) நடைபெறும் 5-வது ஒருநாள் போட்டியில் விளையாட மாட்டார் என அறிவிக்கப்பட்டுள்ளது.
மறுபுறம், 4-வது ஒருநாள் போட்டியில் 73 ரன்கள் விட்டுக்கொடுத்த குல்தீப் யாதவ், டெஸ்ட் அணியில் ரவீந்திர ஜடேஜா மற்றும் வாஷிங்டன் சுந்தர் இருப்பதால் ஆடும் லெவனில் வாய்ப்பு கிடைக்காது என்பதால் உள்ளூர் போட்டிகளில் விளையாட விடுவிக்கப்பட்டுள்ளார்.
இந்திய டெஸ்ட் அணி
ரிஷப் பந்த் வருகையால் பலமடைந்த இந்திய பேட்டிங்
விலா எலும்பு காயத்தால் பயிற்சிப் போட்டிகளில் விளையாடாமல் இருந்த ரிஷப் பந்த், தற்போது முழு உடல்தகுதி பெற்று வெல்லிங்டனில் உள்ள இந்திய டெஸ்ட் அணியுடன் இணைந்துள்ளதை பிசிசிஐ உறுதிப்படுத்தியுள்ளது.
பந்த் முதன்மை விக்கெட் கீப்பராகக் களமிறங்குவதால், துருவ் ஜூரெல் சிறப்பு பேட்டராக விளையாட வாய்ப்புள்ளது.
புதுப்பிக்கப்பட்ட இந்திய டெஸ்ட் அணி:
சுப்மன் கில் (கேப்டன்), யஷஸ்வி ஜெய்ஸ்வால், கே.எல். ராகுல் (துணை கேப்டன்), தேவ்தத் படிக்கல், ரிஷப் பந்த், துருவ் ஜூரெல், ரவீந்திர ஜடேஜா, அன்ஷுல் கம்போஜ், ஜஸ்பிரித் பும்ரா, பிரசித் கிருஷ்ணா, ஆகாஷ் தீப், சாய் சுதர்சன், நிதிஷ் குமார் ரெட்டி, வாஷிங்டன் சுந்தர், முகமது சிராஜ், குர்னூர் பிரார்.