இந்தியா vs ஆஸ்திரேலியா இறுதிப்போட்டியால் களைகட்டும் இந்தியா: வைரலாகும் வீடியோக்கள்
இன்று(நவ.19) அகமதாபாத்தில் ஆஸ்திரேலியாவை எதிர்கொள்ளும் இந்திய கிரிக்கெட் அணி, தனது நான்காவது ஐசிசி ஒருநாள் உலகக்கோப்பை இறுதிப் போட்டியில் பங்கேற்க உள்ளது. இதில் வெற்றி பெரும் அணிக்கு ஐசிசி ஒருநாள் உலகக்கோப்பை சாம்பியன் பட்டமும் கோப்பையும் வழங்கப்படும். இதனால், இந்திய ரசிகர்கள் ஆரவாரத்துடன் இந்த இறுதி போட்டியை பார்க்க தயாராகி வருகின்றனர். ஏற்கனவே நடந்த தொடர் ஆட்டங்களில் இந்தியா சிறப்பாக விளையாடி பல சாதனைகளை படைத்ததால், இந்த இறுதி போட்டியில் இந்தியா வெல்லும் என்ற எதிர்பார்ப்பு ரசிகர்கள் மத்தியில் எழுந்துள்ளது. இந்நிலையில், நாடு முழுவதும் உள்ள ரசிகர்கள் இந்திய வீரர்களுக்கு கட் அவுட்டுகளை வைத்தும் பாலபிஷேகம் செய்தும் கொண்டாடி வருகின்றனர். மேலும், ரசிகர்களின் கொண்டாட்டத்தின் போது எடுக்கப்பட்ட பல வீடியோக்கள் வைரலாகி வருகின்றது.