ஐசிசி ஒருநாள் உலகக்கோப்பையுடன் ஷாருக்கான்; வைரலாகும் புகைப்படம்
சர்வதேச கிரிக்கெட் கவுன்சில் (ஐசிசி) பாலிவுட் சூப்பர் ஸ்டார் ஷாருக்கான் ஒருநாள் உலகக்கோப்பை கோப்பையுடன் இருக்கும் படத்தைப் சமூக ஊடங்களில் பகிர்ந்துள்ளது. புகைப்படத்துடன், "கிங் கான் #CWC23 டிராபி, இது கிட்டத்தட்ட வந்துவிட்டது." என்ற பதிவையும் வெளியிட, கிரிக்கெட் மற்றும் ஷாருக்கான் ரசிகர்கள் கருத்துக்களை பதிவிட்டு, புகைப்படத்தை வைரலாக்கி வருகின்றனர். 2011க்கு பிறகு, இந்தமுறை 2023 ஆம் ஆண்டுக்கான ஒருநாள் உலகக்கோப்பையை இந்தியா நடத்துகிறது. அக்டோபர் 5 முதல் நவம்பர் 19 ஆம் தேதி வரை நடக்கும் இந்த போட்டியில் பத்து அணிகள் பங்கேற்கின்றன. இதில் இந்தியாவும், பாகிஸ்தானும் ஒரே குழுவில் இடம் பெற்றுள்ளதால், லீக் சுற்றில் அக்டோபர் 15ஆம் தேதி இரு அணிகளும் பலப்பரீட்சை நடத்த உள்ளன.
