2028 டி20 உலகக்கோப்பைக்கு நேரடியாக தகுதி பெற்ற 12 அணிகள்! முழு விபரங்கள் இதோ!
செய்தி முன்னோட்டம்
இந்தியாவில் நடைபெற்று வரும் 2026 டி20 உலகக்கோப்பையின் லீக் சுற்றுகள் முடிவடைந்த நிலையில், 2028 ஆம் ஆண்டு ஆஸ்திரேலியா மற்றும் நியூசிலாந்தில் நடைபெறவுள்ள அடுத்த உலகக்கோப்பைத் தொடருக்கான முதல் 12 இடங்கள் உறுதி செய்யப்பட்டுள்ளன. தற்போது சூப்பர் 8 சுற்றுக்குத் தகுதி பெற்றுள்ள அனைத்து அணிகளும் அடுத்த உலகக்கோப்பைக்குத் தானாகவே தகுதி பெற்றுவிட்டதாக ஐசிசி அறிவித்துள்ளது.
அணிகள்
தகுதி பெற்ற முக்கிய அணிகள்
தற்போது நடைபெற்று வரும் தொடரில் சிறப்பாகச் செயல்பட்டு 2028 தொடருக்கு நேரடியாகத் தகுதி பெற்றுள்ள அணிகள்: குரூப் ஏ: இந்தியா மற்றும் பாகிஸ்தான் குரூப் பி: இலங்கை மற்றும் ஜிம்பாப்வே குரூப் சி: மேற்கிந்திய தீவுகள் மற்றும் இங்கிலாந்து குரூப் டி: தென்னாப்பிரிக்கா மற்றும் நியூசிலாந்து அடுத்த உலகக்கோப்பையை நடத்தும் நாடுகளான ஆஸ்திரேலியா மற்றும் நியூசிலாந்து ஏற்கனவே போட்டியை நடத்தும் நாடுகள் என்ற அடிப்படையில் தகுதி பெற்றுவிட்டது குறிப்பிடத்தக்கது.
தரவரிசை
தரவரிசை அடிப்படையில் மற்ற இடங்கள்
சூப்பர் 8 அணிகள் தவிர, மார்ச் 9 ஆம் தேதி (உலகக்கோப்பை இறுதிப்போட்டிக்கு அடுத்த நாள்) நிலவரப்படி ஐசிசி டி20 தரவரிசையில் முன்னிலையில் இருக்கும் அடுத்த 3 அணிகளும் நேரடியாகத் தகுதி பெறும். தற்போதைய நிலவரப்படி வங்கதேசம், ஆப்கானிஸ்தான் மற்றும் அயர்லாந்து ஆகிய அணிகள் அந்த இடங்களைப் பிடிப்பது உறுதியாகி உள்ளது. ஏனெனில், இந்தத் தேதிக் கெடுவுக்கு முன்பாக மற்ற அணிகள் விளையாடப்போகும் சர்வதேசப் போட்டிகள் எதுவும் தரவரிசையில் பெரிய மாற்றத்தை ஏற்படுத்தாது.
8 இடங்கள்
மீதமுள்ள 8 இடங்கள் எப்படி நிரப்பப்படும்?
2028 உலகக்கோப்பைத் தொடரில் மொத்தம் 20 அணிகள் பங்கேற்க உள்ளன. இதில் மீதமுள்ள 8 இடங்கள் பிராந்திய அளவிலான தகுதிப் போட்டிகள் மூலம் நிரப்பப்படும். ஆசியா, ஆப்பிரிக்கா, ஐரோப்பா மற்றும் அமெரிக்கா போன்ற மண்டலங்களில் நடத்தப்படும் போட்டிகளில் வெற்றி பெறும் அணிகள் உலகக்கோப்பை கனவை நனவாக்க முடியும். இதன் மூலம் வளர்ந்து வரும் நாடுகளுக்கும் சர்வதேச மேடையில் தங்களை நிரூபிக்க வாய்ப்பு கிடைக்கும் என்று கிரிக்கெட் நிபுணர்கள் தெரிவிக்கின்றனர்.